బంగారం.. తగ్గేదే లేదు..

Published: Sunday, November 30, 2025, 10:44 [IST]

దేశీయ బులియన్ మార్కెట్ లో బంగారం ధరలు తగ్గట్లేదు. మళ్లీ పెరిగాయి. ఇది స్వల్పమే అయినప్పటికీ- వచ్చే వారం భారీగా ఉండొచ్చనే సంకేతాలను ఇచ్చింది. ప్యూఎస్ ఫెడ్ రేట్ కోత అంచనాలు, డాలర్ బలహీన పడటం, పెరిగిన స్పాట్ డిమాండ్, పెళ్లిళ్ల సీజన్ వంటివి ఈ పెరుగుదలకు కారణం అయ్యాయి. వచ్చే వారం రిజర్వ్ బ్యాంక్ మానిటరీ పాలసీ కమిటీ (ఎంపిసి) సమావేశం కాబోతోండటం కూడా దీనికి ఓకారణం అయిందనే అంచనాలు ఉన్నాయి. ఇక ముందు బంగారంతో పాటు వెండి ధరలు మరింత పుంజుకోవడం ఖాయంగా కనిపిస్తోంది.

అంతర్జాతీయ బులియన్ మార్కెట్ లో ఒక ఔన్స్ బంగారం ధర 5,000 డాలర్లకు చేరువ అయింది. దీని ప్రభావం దేశీయ మార్కెట్ పై తీవ్రంగా పడింది. 10 గ్రాముల బంగారం 1,30,000 రూపాయల మార్క్ ను అందుకుంది. ఒక దశలో గరిష్ఠంగా 1,30,675 రూపాయలకు చేరింది. ఆ తర్వాత కొద్దిగా తగ్గింది. చెన్నైలో గరిష్టంగా 1,30,069 రూపాయలు పలుకుతోంది 10 గ్రాముల బంగారం ధర. మిగిలిన నగరాల్లో దాదాపుగా ఇదే పరిస్థితి నెలకొంది.