మీకు భయపడే ప్రసక్తే లేదు: తేల్చి చెప్పిన ముఖేష్ అంబానీ

భారత్ లో శాటిలైట్ ఇంటర్నెట్ సేవలు ప్రారంభించడంపై స్పేస్‌ఎక్స్ అధినేత ఎలాన్ మస్క్ చేసిన వ్యాఖ్యలపై దేశీయ పారిశ్రామిక దిగ్గజం రిలయన్స్ ఇండస్ట్రీస్ లిమిటెడ్.. ఘాటుగా స్పందించింది. ఈ వివాదానికి చెక్ పెట్టింది. తాము వ్యాపార రంగంలో ఎప్పుడూ పోటీకి భయపడలేదని తేల్చి చెప్పింది. విదేశీ సంస్థలతో సహా ఏ పోటీదారునైనా మార్కెట్లోకి వస్తే స్వాగతిస్తామని స్పష్టం చేసింది. భారత్‌లో వ్యాపారం ప్రారంభించాలనుకునే ప్రతి సంస్థ కూడా ఇక్కడి చట్టాలు, ప్రభుత్వ నిబంధనలకు పూర్తిగా కట్టుబడి ఉండాలని స్పష్టం చేసింది.

స్పేస్‌ఎక్స్ సీఈఓ ఎలాన్ మస్క్ ఇదివరకు రిలయన్స్ పై విమర్శలు గుప్పించిన విషయం తెలిసిందే. భారత్‌లో స్టార్‌లింక్ సేవలకు స్పెక్ట్రమ్ కేటాయింపులు జరగకుండా కొన్ని బడా వ్యాపార శక్తులు అడ్డుకుంటున్నాయని ఆరోపించారు. ప్రపంచవ్యాప్తంగా 165 కంటే ఎక్కువ దేశాల్లో స్టార్‌లింక్ విజయవంతంగా పనిచేస్తోందని, అయిదేళ్లుగా భారత నిబంధనలను పాటిస్తున్నప్పటికీ లైసెన్స్ ఎందుకు ఇవ్వట్లేదని ప్రశ్నించారు. రిలయన్స్ ఛైర్మన్ ముకేష్ అంబానీని ఉద్దేశించి పరోక్షంగా ప్రశ్నలు సంధించారు.

దీనిపై తాజాగా రిలయన్స్ ఇండస్ట్రీస్ స్పందించింది. ఈ మేరకు ఓ ప్రకటన విడుదల చేసింది. ప్రభుత్వ అనుమతుల ప్రక్రియ అనేది స్వదేశీ, విదేశీ కంపెనీలన్నింటికీ ఒకే విధంగా వర్తిస్తుందని స్పష్టం చేసింది. స్వయంగా తమ జియో సంస్థకు చెందిన శాటిలైట్ కమ్యూనికేషన్ సేవల అనుమతులు కూడా ప్రస్తుతం ప్రభుత్వం వద్ద పరిశీలనలోనే ఉన్నాయని వివరించింది. నిబంధనలు అందరికీ సమానంగానే ఉంటాయని గుర్తు చేసింది.

భారత్ ఎప్పుడూ నూతన ఆవిష్కరణలు, విదేశీ పెట్టుబడులను ప్రోత్సహిస్తుందని, ప్రజల జీవన ప్రమాణాలను మెరుగుపరిచే ఎలాంటి సాంకేతికతనైనా ఆదరిస్తుందని రిలయన్స్ ఇండస్ట్రీస్ పునరుద్ఘాటించింది. వినియోగదారులకు ఎవరు మెరుగైన సేవలు అందిస్తారో నిర్ణయించేదే పోటీతత్వమని, దానికి తాము ఎప్పుడూ సిద్ధంగా ఉంటామని స్పష్టం చేసింది.

దేశీయ టెలికాం రంగంలో తమ సొంత ప్రస్థానాన్ని ఈ సందర్భంగా రిలయన్స్ గుర్తుచేసింది. 2016లో తీవ్ర పోటీ ఉన్న దేశీయ టెలికాం మార్కెట్లో జియో అడుగుపెట్టిందని, ఒక్క కస్టమర్ కూడా లేకుండా ప్రయాణం ప్రారంభించామని తెలిపింది. ఈ పదేళ్ల అతి తక్కువ కాలంలోనే సుమారు 53 కోట్ల మందికి పైగా వినియోగదారుల నమ్మకాన్ని గెలుచుకున్నామని, ప్రపంచంలోనే అతి తక్కువ ధరలకు నాణ్యమైన డేటా, ప్రపంచస్థాయి డిజిటల్ మౌలిక వసతులను ప్రజలకు అందించామని పేర్కొంది.

Statement from Reliance Industries In light of recent remarks about Reliance and the Indian market, we wish to place the facts on record.Like every Indian enterprise, Reliance has grown in an India that welcomes investment and innovation, homegrown or international, that improve the lives of the people.That openness rests on the rule of law. As the Government of India has stated, it applies the same process to every applicant, Indian or foreign. Jio's own satellite services await clearances.At Reliance, we have never feared competition. We see it as the truest test of who serves the customer best. Jio itself entered India's crowded telecom market in 2016 as the newest player, with not a single customer. In just ten years, Jio has earned the trust of over 530 million customers and given Indians some of the best digital infrastructure and most affordable data in the world.We welcome competition in satellite communications, including Starlink. Every player, Jio included, must serve the people of India and abide by the laws and policies of the land.

— Reliance Industries Limited (@RIL_Updates) October 16, 2026

అటు కేంద్రం కూడా ఎలాన్ మస్క్ చేసిన ఆరోపణలను ఇదివరకే తిప్పికొట్టింది. విదేశీ సంస్థల పట్ల వివక్ష చూపుతున్నారన్న ఆరోపణలు ముమ్మాటికీ ఆధారరహితమైనవని తేల్చిచెప్పింది. దేశ శాటిలైట్ కమ్యూనికేషన్ నిబంధన అనేది.. అత్యంత పారదర్శకంగా, నిష్పక్షపాతంగా ఉందని స్పష్టం చేసింది. స్పేస్‌ఎక్స్ శాటిలైట్ విభాగానికి సంబంధించిన భద్రతాపరమైన తనిఖీలు ప్రక్రియలో ఉన్నాయని, దరఖాస్తు చేసుకున్న మిగిలిన సంస్థలతో పోలిస్తే ఇది కూడా పరిశీలన దశలో ఉందని వివరించింది.

English summary

We have never feared competition, welcome competition in satellite communications, says Reliance Industries. A statement read as Jio has earned the trust of over 530 million customers and given Indians some of the best digital infrastructure and most affordable data in the world.