IAF: చిమ్మచీకటిలో కార్గిల్ ఎయిర్‌స్ట్రిప్‌లో దిగిన C-130J విమానం.. వీడియో వైరల్..

భారత వాయు సేన మరో ఘనత సాధించింది. ఒక ల్యాండ్‌మార్క్ ఫీట్‌లో భారత వైమానిక దళానికి చెందిన C-130J విమానం మొదటిసారి రాత్రిపూట కార్గిల్ ఎయిర్‌స్ట్రిప్‌లో దిగింది. విమానం నైట్ ల్యాండింగ్ వీడియోను భారత వాయు సేన సోషల్ మీడియాలో పోస్ట్ చేశారు. "మొదట, IAF C-130 J విమానం కార్గిల్ ఎయిర్‌స్ట్రిప్‌లో నైట్ ల్యాండింగ్ చేసింది. మార్గంలో టెర్రైన్ మాస్కింగ్‌ని ఉపయోగించడం ద్వారా ఈ వ్యాయామం గరుడ్‌ల శిక్షణా మిషన్‌ను కూడా ఉపయోగపడింది" అని వాయసేన పేర్కొంది.

గత ఏడాది నవంబర్‌లో, IAF తన లాక్‌హీడ్ మార్టిన్ C-130J-30 'సూపర్ హెర్క్యులస్' మిలిటరీ రవాణా విమానాలలో రెండింటిని ఉత్తరాఖండ్‌లోని అసాధ్యమైన ఎయిర్‌స్ట్రిప్‌లో విజయవంతంగా ల్యాండ్ చేసింది. ఉత్తరాఖండ్‌ సొరంగంలో చిక్కుకుపోయిన వారిని రక్షించే కార్యక్రమంలో ఈ విమానం కీలక పాత్ర పోషించింది. పర్వత సొరంగంలో చిక్కుకున్న రెస్క్యూ కార్మికులకు సహాయం చేయడానికి భారీ ఇంజనీరింగ్ పరికరాలను ఈ విమానం ప్రతికూల వాతావరణంలో తీసుకెళ్లింది.

8,800 అడుగుల ఎత్తులో ఉన్న హిమాలయ భూభాగం మధ్య ఉన్న కార్గిల్ ఎయిర్‌స్ట్రిప్ విమానం ల్యాండ్ చేయాలంటే పైలట్‌లకు సవాలేనని చెప్పొచ్చు. అనూహ్య వాతావరణ మార్పులు, బలీయమైన గాలులతో పాటు అధిక ఎత్తులో పైలట్‌లు ల్యాండింగ్ ప్రక్రియలో అసాధారణమైన ఖచ్చితత్వం, నైపుణ్యాన్ని ప్రదర్శించడం అవసరమని వాయు సేన తెలిపింది. భారత వాయుసేన ప్రస్తుతం 12 సి-130జే విమానాలను వాడుతోంది.

View this post on Instagram

A post shared by Official Instagram Page Of IAF (@indianairforce)

ఇవి హిండన్‌లోని 77 స్క్వాడ్రన్‌, 87 స్క్వాడ్రన్‌లో విధులు నిర్వహిస్తున్నాయి. బలగాలు, సామగ్రి తరలింపులో ప్రముఖ పాత్ర పోషిస్తున్నాయి. ఈ సినర్జిస్టిక్ విధానం భారత వాయు సేన లాజిస్టికల్ సామర్థ్యాలను అంచనా ఉపయోగపడుతుంది. అంతేకాదు ఏదైనా ఊహించని పరిస్థితులను ఎదుర్కొవడానికి ఇది ప్రాక్టిస్ గా ఉపయోగపడనుంది.

English summary

Indian Air Force has achieved another feat. In a landmark feat, a C-130J aircraft of the Indian Air Force landed at the Kargil airstrip for the first time at night.