ఆస్తులు ఉన్నాయి కాని అమ్మాయి ఎక్కడ ?, ఏమిటి ఈ అగ్నిపరీక్ష అంటూ !

బెంగళూరు/హావేరి: సొంత పొలంలో ఓ యువకుడు వ్యవసాయం చేయిస్తున్నాడు. సొంత భూముల్లో కూలీలతో అతను వ్యవసాయం చేయిస్తున్నాడు. డబ్బులు బాగా సంపాధిస్తున్న యువకుడికి పెళ్లి చెయ్యాలని అతని కుటుంబ సభ్యులు అనుకున్నారు. కుటుంబ సభ్యులు, బంధువులు అందరూ అతనికి పెళ్లి చెయ్యాలని అనేక ప్రయత్నాలు చేస్తున్నారు.

అయితే పెళ్లికూతురు మాత్రం చిక్కకపోవడంతో ఆ రైతు ఎవ్వరూ ఊహించని విధంగా ఆత్మహత్య చేసుకున్నాడు.. కర్ణాటకలోని హావేరి జిల్లాలోని బ్యాడగి తాలుకాలోని మాసణగి గ్రామంలో మంజునాథ్ రుద్రప్ప అలియాస్ మంజునాథ్ (36) అనే యువకుడు నివాసం ఉంటున్నాడు. మంజునాథ్ కు మంచి ఆస్తులు ఉన్నాయి.

సొంత పొలంలో చాలా సంవత్సరాల నుంచి మంజునాథ్ వ్యవసాయం చేయిస్తున్నాడు. మంజునాథ్ కుటుంబ సభ్యులతో పాటు చాలా మంది కూలీలు మంజునాథ్ పొలంలో వ్యవసాయం చేస్తున్నారు. సుమారు 10 ఏళ్ల నుంచి మంజునాథ్ కు పెళ్లి చెయ్యలని అతని కుటుంబ సభ్యులు పెళ్లి సంబంధాలు చూస్తున్నారు. మంజునాథ్ కూడా పెళ్లి చూపులకు వెళ్లి వస్తున్నాడు.

మంజునాథ్ కు అమ్మాయి నచ్చితే పెళ్లికూతురికి అతను నచ్చకపోవడం, కొన్ని సంబంధాలు ఆగిపోయాయి. అయితే మంజునాథ్, అమ్మాయికి ఇద్దరికి నచ్చిన కొన్ని సంబంధాలు నిశ్చితార్థం వరకు వచ్చి ఆగిపోయాయి. ఎలాగైనా పెళ్లి చేసుకోవాలని అనుకున్న మంజునాథ్ హావేరి జిల్లాలోనే కాకుండా కర్ణాటకలోని అనేక జిల్లాల్లోని అమ్మాయిలను చూసి పెళ్లి చేసుకోవాలని అనుకున్నాడు.

అయితే ఎన్ని సంవత్సరాలు అయినా పెళ్లి కాలేదని స్నేహితుల దగ్గర మంజునాథ్ ఆవేదన వ్యక్తం చేశాడు. ఈనెల 16వ తేదీన మంజునాథ్ అతని సొంత పొలంలో విషం తాగేశాడు. పక్క పొలం వాళ్లు విషయం గుర్తించి మంజునాథ్ ను బ్యాడగి ప్రభుత్వ ఆసుపత్రికి తరలించారు. మంజునాథ్ పరిస్థితి విషమించడంతో తరువాత హుబ్బళిలోని కిమ్స్ ఆసుపత్రికి తరలించారు.

ఆ రోజు నుంచి కిమ్స్ ఆసుపత్రిలో చికిత్స పొందుతున్న మంజునాథ్ చికిత్స విఫలమై గురువారం రాత్రి చనిపోయాడని పోలీసులు అన్నారు. పెళ్లి చేసుకోవడానికి ఎవ్వరూ పిల్లను ఇవ్వడం లేదని ఆవేదన చెందిన మంజునాథ్ జీవితంపై విరక్తి పెంచుకుని ఆత్మహత్య చేసుకున్నాడని పోలీసుల విచారణలో వెలుగు చూసింది. కేసు దర్యాప్తులో ఉందని పోలీసులు తెలిపారు.

English summary

A farmer committed suicide because he was not married for many years in Karnataka.