వీడియో: తల్లి పొత్తిళ్లలో నిద్రిస్తున్న చిన్నారిని అపహరించే యత్నం.. చివరి నిమిషంలో!

చండీగఢ్: తల్లి పొత్తిళ్లలో హాయిగా, ఆదమరిచి నిద్రిస్తున్న ఓ నాలుగేళ్ల చిన్నారిని అపహరించడానికి ప్రయత్నించాడో దుర్మార్గుడు. చివరి నిమిషంలో తల్లి మేల్కొనడంతో ఆ దుండగుడి కథ అడ్డం తిరిగింది. బిడ్డను అక్కడే వదిలేసి పారిపోయాడు. లేకుంటే- ఆ చిన్నారి పరిస్థితి ఎలా ఉండేదనే ఆలోచనే భయం గొలుపుతోంది. ఈ అపహరణ ప్రయత్నం మొత్తం సీసీటీవీ కెమెరాలో నమోదైంది. దీని ఫుటేజీ ఆధారంగా అతగాడిని పోలీసులు అరెస్టు చేశారు.

పంజాబ్ లోని లూధియానాలో ఈ ఘటన చోటు చేసుకుంది. లూధియానాలోని రిషి నగర్ లో ఏరియాలో భార్యాభర్తలు నివసిస్తున్నారు. వారికి ఓ కుమర్తె ఉంది. మంగళవారం రాత్రి వారు ఇంటి బయట మంచం వేసుకుని నిద్రించారు. అర్ధరాత్రి దాటిన తరువాత ఒంటి గంట 14 నిమిషాల సమయంలో ఓ గుర్తు తెలియని వ్యక్తి రిక్షాను నడిపించుకుంటూ ఆ వీధిలోకి వచ్చాడు.

అతని కన్ను తల్లి ఒడిలో వెచ్చగా పడుకున్న చిన్నారిపై పడింది. అంతే- చడీ చప్పుడు కాకుండా.. ఆ చిన్నారిని ఎత్తుకుని రిక్షాలో పెట్టాడు. అదే సమయంలో ఆ పాప గట్టిగా ఏడవడంతో ఉలిక్కిపడి నిద్ర లేచిన తల్లి అతణ్ని అడ్డుకుంది. గట్టిగా కేకలు వేస్తూ రిక్షాలో ఉంచిన పాపను తన చేతుల్లోకి తీసుకుంది. కథ అడ్డం తిరగడంతో ఆ కిరాతకుడు అక్కడి నుంచి రిక్షాతో సహా పారిపోయాడు. దీనిపై ఆ పాప తల్లిదండ్రులు స్థానిక పోలీస్ స్టేషన్ లో ఫిర్యాదు చేశారు. సీసీటీవీ ఫుటేజీని పరిశీలించిన అనంతరం.. దుండగుడిని గుర్తించారు. కటకటాల వెనక్కి నెట్టేశారు.

#WATCH Punjab: A man attempts to steal a 4-year-old child while she was sleeping with her family members outside her residence in Ludhiana’s Rishi Nagar area. However, the attempt was foiled as family members woke up and rescued the child. The accused has been arrested. (17.09) pic.twitter.com/DB6ZfXnSt7

— ANI (@ANI) September 18, 2019

English summary

A man attempts to steal a 4-year-old child while she was sleeping with her family members outside her residence in Ludhiana’s Rishi Nagar area in Punjab. However, the attempt was foiled as family members woke up and rescued the child. The accused has been arrested.