నాకు మంత్రి పదవి అడ్డుకున్న సీఎంకు థ్యాక్స్, పేరు ఎత్తకుండా ఏకేశాడు !
బెంగళూరు: ముఖ్యమంత్రి సిద్ధరామయ్యపై పదే పదే దూషించిన ఎమ్మెల్సీ బీకే హరిప్రసాద్.. తనను మంత్రిని చేయనందుకు కృతజ్ఞతలు తెలుపుతున్నానంటూ పరోక్షంగా కర్ణాటక సీఎం సిద్దరామయ్య మీద విరుచుకుపడ్డారు. బెంగళూరులోని ప్యాలెస్ గ్రౌండ్స్లో శనివారం జరిగిన బిల్లగ-ఈడిగ, నామ్ధారి మద్దతుదారుల బల నిరూపణలో ఏఐసీసీ మాజీ ప్రధాన కార్యదర్శి, ఎమ్మెల్సీ బీకే హరిప్రసాద్ ముఖ్యమంత్రి సిద్ధరామయ్య పేరు చెప్పకుండానే ఆయనపై విరుచుకుపడ్డారు.
తనను మంత్రివర్గం నుంచి తప్పించడానికి కారణం సిద్దరామయ్య అనే మరోసారి సీఎం పేరు చెప్పకుండా బీకే హరిప్రసాద్ ఆరోపించారు. కర్ణాటక రాష్ట్రంలోని చిన్న కులాలకు ఎక్కువ ప్రాతినిధ్యం కల్పించాలని కోరుతూ వెనుకబడిన తరగతులకు చెందిన వేలాది మంది ప్రజలు ప్యాలెస్ గ్రౌండ్స్కు తరలివచ్చి బీకే. హరిప్రసాద్ వెనుక నిలబడి ఆయనకు మద్దతు పలకడం ఇప్పుడు కాంగ్రెస్ పార్టీలో హాట్ టాపిక్ అయ్యింది.
కాంగ్రెస్ ప్రభుత్వం ఏర్పాటైనప్పటి నుంచి బీకే. హరిప్రసాద్ పలు సందర్భాల్లో సీఎం సిద్ధరామయ్యను ఆయన మంత్రివర్గంలోకి తీసుకోలేదు. నన్ను మంత్రిని చేయనందుకు వారికి ధన్యవాదాలు. నన్ను మంత్రిని చేసి ఉంటే మిమ్మల్ని కలిసే అవకాశం తక్కువగా ఉండేదని, నన్ను మీరు బలపరిచడం కదురేదికాదని పరోక్షం సిద్దరామయ్య మీద విరుచుకుపడ్డారు. ఈ ప్రభుత్వంలో తాను మంత్రిని అవుతానని, ముఖ్యమంత్రిని అవుతాననే భ్రమలు ఉండకూడదు. చిన్న కులాల బలోపేతానికి తాను కచ్చితంగా కృషి చేస్తానని హరిప్రసాద్ తెలిపారు.
కాంగ్రెస్ పార్టీ దళిత నేతలను పట్టించుకోలేదన్నారు. దళితులను సీఎం చేయడం మరిచి కిందకు దిగజారారు. డాక్టర్ జీ. పరమేశ్వర్ కర్ణాటకలో అత్యధిక కాలం కేపీసీసీ అధ్యక్షుడిగా పనిచేశారు. గతంలో ఉపముఖ్యమంత్రిగా పని చేశారని, సీఎం కావడానికి అన్ని అర్హతలు ఉన్నాయని, అయినా పరమేశ్వర్ ను కొందరు పక్కన పెట్టారని బీకే. హరిప్రసాద్ ఆరోపించారు.
జీ. పరమేశ్వర్ను ఉప ముఖ్యమంత్రిగా కొనసాగించేందుకు అంగీకరించాల్సి ఉండేదని, సతీష్ జారకిహోళిని ఉపముఖ్యమంత్రిని చేసే అవకాశం ఉందని, అయితే ఎన్నికల తర్వాత అలాంటి ఆలోచనలు ఒక పెద్దాయన మనసులో లేవని బీకే హరిప్రసాద్ పరోక్షంగా సిద్దరామయ్యను టార్గెట్ చేస్తూ మాట్లాడారు. ఇలాగే కొనసాగితే రాష్ట్ర ప్రజలు కాంగ్రెస్ పార్టీ విషయంలో కఠిన నిర్ణయం తీసుకుంటారని పార్టీ నేతలను హెచ్చరించిన బీకే. హరిప్రసాద్ సీఎం సిద్ధరామయ్య పేరు చెప్పకుండా ఆయన మీద విరుచుకుపడ్డారు.
Click it and Unblock the Notifications
Sign in with Google