ఆధార్​ అప్​డేట్​ కు ఆఖరి గడువు ఇదే.. ఇంటి నుంచే ఆధార్ అప్డేట్ ఎలాగో తెలుసా..?

కేంద్ర ప్రభుత్వం గుడ్ న్యూస్ చెప్పింది. ఆధార్ కార్డు గడువును మరోసారి పొడిగిస్తూ కీలక నిర్ణయం తీసుకుంది. వచ్చే ఏడాది జూన్ 30 వరకు పొడిగిస్తూ ఆదేశాలు జారీ చేసింది. ఆధార్ కార్డు అప్డేట్ చేసుకోని వాళ్లు ఈ అవకాశాన్ని సద్వినియోగం చేసుకోవాలని అధికారులు స్పష్టం చేశారు. ఇక ఇప్పటికే 10 ఏళ్ల క్రితం కార్డులను పొందిన వారందరూ ఆధార్‌ కార్డు అప్డేట్ చేసుకోవాలని యూఐడీఐ నుంచి కార్డుదారులకు సెల్​ ఫోన్ కు మెసేజ్ లు వస్తున్నాయి. దీంతో ప్రజలు మీసేవా, ఇంటర్నెట్ సెంటర్ల చుట్టూ క్యూలు కడుతున్నారు. ఈ క్రమంలో కేంద్రం మరో కీలక నిర్ణయం దిశగా అడుగులు వేస్తోంది.

ఆధార్ కార్డు ప్రతి భారతీయుడికి తప్పనిసరి. అయితే అనేక కారణాల వల్ల ఆధార్ కార్డులు అప్డేట్ చేసుకోలేక పోయినవారికి కేంద్ర ప్రభుత్వం గుడ్ న్యూస్ చెప్పింది. ఆధార్ కార్డు అప్డేట్ ను వచ్చే ఏడాది జూన్ 30 వరకు పొడిగిస్తూ కీలక నిర్ణయం తీసుకుంది. అంతేకాక ఆధార్ అప్డేట్ కు మీసేవా..లేదా ఇతర ఇంటర్నెట్ సెంటర్ల చుట్టూ తిరగకుండా ఇంట్లోనే ఆధార్ కార్డు అప్డేట్ చేసుకునే విధానాన్ని కల్పించనుంది కేంద్ర ప్రభుత్వం.

కేంద్రం త్వరలో తీసుకురానున్న విధానంతో ఇకపై ఆధార్ అప్డేట్ కోసం ఆధార్ సెంటర్‌ లకు వెళ్లాల్సిన అవసరం లేదు. క్యూఆర్ కోడ్ ఆధారిత యాప్‌ సాయంతో ఆధార్ వివరాలు షేర్ చేయవచ్చు. బయోమెట్రిక్ కోసం మాత్రమే ఆధార్ కేంద్రానికి వెళ్లాల్సి ఉంటుంది. నకిలీ పత్రాలతో ఆధార్ పొందే అవకాశాలను పూర్తిగా నిర్మూలించి, వ్యక్తిగత గోప్యతను కాపాడేందుకు ఈ విధానాన్ని కేంద్ర ప్రభుత్వం తీసుకురానుంది. ఈ ఏడాది చివరి నాటికి ఇంటి నుంచే ఆధార్ కార్డు అప్లై చేసుకునే విధానాన్ని తీసుకురానుంది.

ఇక ఆధార్ కార్డు అప్డేట్‌ చేసుకునేందుకు కొన్ని సర్టిఫికెట్స్ అవసరం అవుతాయి. అవి బర్త్ సర్టిఫికెట్, టెన్త్ క్లాస్ మార్కుల షీట్, డ్రైవింగ్ లైసెన్స్, పాస్ ‌పోర్ట్, PAN, PDS, MNREGA వంటి కార్డులు అవసరం. వీటి నుంచి వివరాలు తీసుకుంటుంది ఆధార్ బోర్డు. ఈ విధానం ద్వారా ప్రజలు ఆధార్‌ కార్డును సులభంగా అప్డేట్ చేసుకోవచ్చు. దీని ద్వారా నకిలీ డాక్యుమెంట్లతో ఆధార్ పొందే అవకాశం ఉండదు.