Anand Mahindra: మహీంద్రా మెచ్చిన సోషల్ మీడియా సంచలనం.. ఫుడ్ వెండర్ ఆన్సర్‌కు బిజినెస్ టైకూన్ ఫిదా

Chennai food vendor: మన దేశంలో మట్టిలో మాణిక్యాలకు కొదువ లేదు. అటుంవటి వారిని గుర్తించి ప్రోత్సహించడంలో భారతీయ దిగ్గజ వ్యాపారవేత్త ఆనంద్ మహీంద్రా ముందుంటారు. సామాజిక మాధ్యమాల్లో ఎప్పుడూ అందుబాటులో ఉంటూ.. సామాజిక స్పృహతో పాటు ప్రోత్సాహపరిచే వీడియోలను పోస్ట్ చేస్తుంటారు. తాజాగా ఆయన షేర్ చేసిన వీడియో ఇప్పుడు నెట్టింట వైరల్‌గా మారింది.

కొన్ని నెలల క్రితం అమెరికన్ యూట్యూబర్ క్రిస్టోఫర్ లూయిస్.. పార్ట్‌ టైమ్‌ ఫుడ్‌ స్టాల్‌లో పనిచేస్తున్న PhD స్టూడెంట్‌ని తన వీడియోలో పరిచయం చేశాడు. దీనికి సంబంధించిన వైరల్ వీడియోను బిజినెస్ టైకూన్ ఆనంద్ మహీంద్రా సోషల్ మీడియాలో షేర్ చేశారు. వీడియోలో PhD స్కాలర్ అయిన చెన్నై విక్రేత రేయాన్, తన పరిశోధనా పత్రాలను ఆన్‌లైన్‌లో గర్వంగా ఎలా చూపించాడో వీక్షించండి అంటూ ఫాలోవర్స్‌కు సూచించారు.

This clip went viral a while ago.

An American vlogger discovers a Ph.D candidate running a food stall, part-time.

What struck me as truly special, however, was the end, when he picks up his phone & the vlogger thinks he’s going to show him social media mentions of his… pic.twitter.com/e9zMizTJwG

— anand mahindra (@anandmahindra) October 4, 2024

రేయాన్ స్ఫూర్తిని ప్రశంసిస్తూ మహీంద్రా అండ్ మహీంద్రా ఛైర్మన్ ఆనంద్ మహీంద్రా అతడిని అత్యద్భుతమైన వ్యక్తిగా అభివర్ణించారు. యూట్యూబర్ తన సోషల్ మీడియా ఖాతాల గురించి ప్రస్తావించగా వాటికి బదులు సగర్వంగా తన రీసెర్చ్ పేపర్స్ ఆన్‌లైన్‌లో చూపించడాన్ని ప్రశంసించారు. అతడి ఆలోచనా విధానం తనకు నచ్చిందని, ప్రత్యేకంగా అనిపించిందని పేర్కొన్నారు. విద్యతో ఉన్నత వ్యక్తిత్వం కలగలిసిన ఆ విక్రేతపై సోషల్ మీడియా వినియోగదారులు పొగడ్తలు కురిపిస్తున్నారు.

అయితే ఈ వీడియోపై నెటిజన్లు విభిన్న రకాలుగా స్పందిస్తున్నారు. జీవితంలో విజయం సాధించడం అంటే పెద్ద ఉద్యోగాలు చేస్తే మాత్రమే కాదని, అభిరుచితో పనిచేయడమని గుర్తుచేస్తున్నారు. సోషల్ మీడియాలో ప్రశంసల కంటే తన పరిశోధన గురించి గర్వంగా చెప్పుకోవడం తన కృషి మరియు పట్టుదలను ప్రతిబింబిస్తున్నాయని ప్రశంసిస్తున్నారు. అయితే అతడి ఆశయానికి తగిన పరిస్థితులను కల్పించడంలో దేశం, సిస్టమ్ విఫలమయ్యాయని మరికొందరు పేర్కొంటున్నారు.

English summary

Indian Business Tycoon Anand Mahindra shared a video in social media spread viral across the country. He shared a video of American youtuber captured a PhD student working as a part time street food vendor in Chennai.