వీడియో: కొమ్ములతో ఎత్తి కుదేసి.. గిట్టలతో తొక్కి..: బాలికపై ఆవు భయానక దాడి

చెన్నై: చెన్నైలో దిగ్భ్రాంతికర ఘటన చోటు చేసుకుంది. ఓ పాఠశాల విద్యార్థినిపై ఓ ఆవు దాడి చేసింది. కొమ్ములతో ఎత్తి కుదేసింది. గిట్టలతో తొక్కింది. ఈ ఘటనలో ఆ విద్యార్థిని తీవ్రంగా గాయపడింది. స్థానికులు ఆవు బారి నుంచి బాలికను కాపాడారు. రక్తమోడుతున్న స్థితిలో ఆమెను స్థానిక ఆసుపత్రికి తరలించారు.

బాధిత బాలిక పేరు ఆయేషా. చెన్నై చోళైమేడు ప్రాంతంలో నివసిస్తోన్న జాఫర్ సిద్ధిఖ్ అలీ, హసీనా బాను కుమార్తె. స్కూల్ వదిలిన తరువాత ఆయేషా, కొడుకు ఉమర్‌తో కలిసి ఇంటికి బయలుదేరింది. మార్గమధ్యలో అరుంబాక్కం ఎంఎండీఏ కాలనీ, ఇళాంగో స్ట్రీట్ మీదుగా వెళ్తోన్న సమయంలో వారి పక్కనే ఉన్న ఓ ఆవు ఆయేషాపై దాడి చేసింది.

కొమ్ములతో గాల్లోకి ఎత్తి విసిరేసింది. కిందపడ్డ బాలికను గిట్టలతో తొక్కేసింది. ఆ ఆవుతో ఉన్న దూడ కూడా ఆ బాలికపై దాడి చేసింది. కిందపడ్డ బాలిక పైకి లేచే అవకాశం కూడా ఇవ్వలేదు. ముందరి కాళ్ల గిట్టలతో తొక్కేశాయి. అటు ఇటు విసిరేశాయి. ఆ రెండు మూగజీవాల కాళ్ల మధ్య నలిగిపోయిందా బాలిక.

“WARNING: DISTURBING VISUALS”
சென்னை அரும்பாக்கம் MMDA காலனி, இளங்கோ தெருவில் நடந்த கோர சம்பவம். மாடு முட்டியதில் சிறுமி படுகாயம் : பள்ளி முடிந்து சென்ற போது நேர்ந்த சோகம். சாலையில் செல்லும் மாடுகளை கடக்கும்போது எச்சரிக்கை அவசியம். pic.twitter.com/ejcXhREZEu

— மகாலிங்கம் பொன்னுசாமி / Mahalingam Ponnusamy (@mahajournalist) August 10, 2023

హసీనా బాను గట్టిగా కేకలు వేయడంతో ఇరుగు పొరుగు వారు బయటికి వచ్చి, వాటిని తరిమివేశారు. ఒకసారి తరిమినప్పటికీ.. ఆ ఆవు మళ్లీ వెనక్కి వచ్చి.. మరీ ఆయేషాను కొమ్ములతో గాయపరిచింది. పైకి లేవ లేని స్థితిలో ఉన్న ఆయేషాను ఆసుపత్రికి తరలించారు. ఈ దాడికి సంబంధించిన దృశ్యాలన్నీ ఆ వీధిలో ఓ ఇంటి వద్ద అమర్చిన సీసీటీవీ కెమెరాల్లో రికార్డయ్యాయి.

ఆయేషా తల్లిదండ్రులు అరుంబాక్కం పోలీస్ స్టేషన్‌లో ఫిర్యాదు చేశారు. వారి ఫిర్యాదు మేరకు ఆవు యజమాని వివేక్‌పై పోలీసులు కేసు నమోదు చేశారు. ఈ ఘటనపై వివేక్‌, దాడి చేసిన అదుపులోకి తీసుకుంటామని పోలీసులు వెల్లడించారు. బాలికకు తీవ్ర గాయాలయ్యాయని, కోలుకోవడాకి కొంత సమయం పడుతుందని డాక్టర్లు తెలిపారు.

English summary

A stray cow attacked an 11-year-old girl in a street in Chennai’s MMDA Colony when she was returning home from school.