గన్తో బెదిరించి పనమ్మాయిపై రేప్, వీడియోలో రికార్డ్
న్యూఢిల్లీ: స్నేహితుడి ఇంట్లో పని మనిషి పైన లైంగికదాడికి పాల్పడిన ఘటనలో ఢిల్లీలోని పంజాబ్గడ్ పోలీస్ స్టేషన్ ఏఎస్ఐ జైవీర్ను పోలీసులు అరెస్టు చేశారు. శనివారం అతడిని కోర్టులో హాజరుపరిచారు.
గురువారం రాత్రి జరిగిన ఈ ఘటనకు సంబంధించి సీసీటీవీ ఫుటేజ్ను పోలీసులు పరిశీలించారు. జైవీర్ మద్యం మత్తులో తన స్నేహితుడి ఇంటికి వెళ్లి పనిమనిషి (23)ని తుపాకీతో బెదిరించి లైంగికదాడికి పాల్పడినట్లు గుర్తించారు.
వైద్య పరీక్షల్లో బాధితురాలు అత్యాచారానికి గురైనట్లు తేలిందని ఢిల్లీ పోలీసు కమిషనర్ బీఎస్ బస్సీ తెలిపారు. ఈ ఘటనకు నైతిక బాధ్యత వహిస్తూ బస్సీ రాజీనామా చేయాలని ఆమ్ ఆద్మీ పార్టీ డిమాండ్ చేసింది. ఈ ఘటన కాస్త ఆలస్యంగా వెలుగులోకి వచ్చింది.
నిందితుడు జైవీర్ బంజాబీ బాగ్ పోలీసు స్టేషన్లో అసిస్టెంట్ సబ్ ఇన్స్పెక్టర్గా బాధ్యతలు నిర్వహిస్తున్నాడు. కాగా, జైవీర్ తుపాకీతో బెదిరించడం, భయంతో ఆ అమ్మాయి అతని పక్కకు వచ్చి కూర్చోవడం అంతా అక్కడ ఉన్న సిసి కెమెరాలో రికార్డయింది. బాధితురాలు శుక్రవారం కోర్టును ఆశ్రయించింది.