కేజ్రీవాల్కు ఢిల్లీ హైకోర్టు షాక్!
ఢిల్లీ మద్యం పాలసీ కేసులో ఆప్ అధినేత అరవింద్ కేజ్రీవాల్కు ఢిల్లీ హైకోర్టులో భారీ ఎదురుదెబ్బ తగిలింది. ఈ కేసు విచారణ నుంచి న్యాయమూర్తి జస్టిస్ స్వర్ణకాంత శర్మ తప్పుకోవాలంటూ అరవింద్ కేజ్రీవాల్ దాఖలు చేసిన పిటిషన్ను హైకోర్టు సోమవారం తిరస్కరించింది. కేవలం అనుమానాలు, అపోహల ఆధారంగా న్యాయమూర్తులు కేసుల నుంచి తప్పుకోలేరని న్యాయస్థానం స్పష్టం చేసింది.
జస్టిస్ స్వర్ణకాంత శర్మ ఈ సందర్భంగా కీలక వ్యాఖ్యలు చేశారు. ఒకవేళ తాను ఈ కేసు నుంచి తప్పుకుంటే, అది న్యాయవ్యవస్థ ఓటమిని అంగీకరించినట్లు అవుతుందని న్యాయమూర్తి అభిప్రాయపడ్డారు. ఒత్తిళ్లకు తలొగ్గి న్యాయమూర్తులు మారతారనే తప్పుడు సంకేతాలు ప్రజల్లోకి వెళ్తాయని, అందుకే ఈ విజ్ఞప్తిని తోసిపుచ్చుతున్నట్లు వెల్లడించారు. వ్యక్తిగత ఆరోపణలు న్యాయపరమైన ప్రమాణాలకు తలదూచలేవని, కోర్టు తన బాధ్యత నుంచి వెనకడుగు వేయదని ఆమె స్పష్టం చేశారు.
అరవింద్ కేజ్రీవాల్ తన పిటిషన్లో జస్టిస్ స్వర్ణకాంత శర్మపై పలు అభ్యంతరాలు వ్యక్తం చేశారు. గతంలో తన అరెస్ట్ను సవాల్ చేస్తూ దాఖలు చేసిన పిటిషన్ను జస్టిస్ శర్మ తిరస్కరించారని.. అలాగే మనీష్ సిసోడియా, కె. కవిత వంటి ఇతర నిందితులకు కూడా న్యాయమూర్తి బెయిల్ ఇవ్వలేదని గుర్తు చేశారు. అంతేకాకుండా జస్టిస్ శర్మ పిల్లలు కేంద్ర ప్రభుత్వ ప్యానెల్లో న్యాయవాదులుగా ఉన్నారని, ఇది ప్రయోజనాల ఘర్షణకిందకు వస్తుందని కేజ్రీవాల్ వాదించారు.
ఈ వాదనలపై స్పందించిన కోర్టు.. న్యాయమూర్తుల కుటుంబ సభ్యులు స్వతంత్ర వృత్తిపరమైన హక్కులను కలిగి ఉంటారని, వారి నియామకాలకు ఈ కేసు విచారణకు ఎటువంటి సంబంధం లేదని తేల్చి చెప్పింది. న్యాయమూర్తులపై చేసే వ్యక్తిగత దాడులు మొత్తం వ్యవస్థపై చేసే దాడులుగా పరిగణించాల్సి ఉంటుందని హెచ్చరించింది. కేజ్రీవాల్తో పాటు మనీష్ సిసోడియా, దుర్గేష్ పాఠక్ దాఖలు చేసిన ఇటువంటి పిటిషన్లను కూడా కోర్టు కొట్టివేసింది. సీబీఐ తరపున హాజరైన సోలిసిటర్ జనరల్ తుషార్ మెహతా ఈ పిటిషన్లను తీవ్రంగా వ్యతిరేకిస్తూ, కోర్టు సమయాన్ని వృధా చేస్తున్నందుకు కోర్టు ధిక్కార చర్యలు తీసుకోవాలని కోరారు.
Click it and Unblock the Notifications
Sign in with Google