నల్లగా ఉన్నావ్, నా అందం వాడికే దక్కాలి.. ప్రియుడితో కలిసి భర్తను

ఏప్రిల్ 7వ తేదీ అర్ధరాత్రి.. మధ్యప్రదేశ్ లోని ధార్ జిల్లా గోండిఖేడా గ్రామంలోని ఒక ఇంట్లో నుంచి ఆర్తనాదాలు వినిపించాయి. పోలీసులు అక్కడికి చేరుకునే సరికి ఇల్లంతా చిందరవందరగా ఉంది. సామాన్లు కిందపడి ఉన్నాయి. యజమాని దేవకృష్ణ పురోహిత్ (28) రక్తపు మడుగులో విగతజీవిగా పడి ఉన్నాడు. ఆయన భార్య ప్రియాంక చేతులు కట్టేసి ఉండి, ఏడుస్తూ కనిపించింది. దొంగలు పడి తన భర్తను చంపేశారని, నగలు, రూ.3.5 లక్షలు ఎత్తుకెళ్లారని ఆమె చెప్పిన కథ నమ్మి పోలీసులు తొలుత దోపిడీ కేసుగా భావించారు.

దర్యాప్తు ప్రారంభించిన పోలీసులకు మొదటి రోజే కొన్ని సందేహాలు మొదలయ్యాయి. దేవకృష్ణ సోదరి ఇచ్చిన వాంగ్మూలం కేసును మలుపు తిప్పింది. "నా తమ్ముడు నల్లగా ఉన్నాడని ప్రియాంక ఎప్పుడూ ఎగతాళి చేసేది. నువ్వు నాకు సరిపోవు, నీకంటే అందమైన వాడు నాకు దక్కాలి అంటూ గొడవ పడేది" అని ఆమె పోలీసులకు తెలిపింది. కేవలం చర్మం రంగు కారణం కాదని, దీని వెనుక ఏదో బలమైన కారణం ఉందని పోలీసులు లోతుగా ఆరా తీశారు.

బయటపడ్డ 'పాత' ప్రేమాయణం..

ప్రియాంక కాల్ డేటాను విశ్లేషించగా, ఆమెకు 2020 నుంచి కమలేష్ అనే వ్యక్తితో వివాహేతర సంబంధం ఉన్నట్లు తేలింది. వీరిద్దరూ పెళ్లికి ముందే ప్రేమించుకున్నారని, కానీ పెద్దలు బలవంతంగా దేవకృష్ణతో పెళ్లి చేశారని వెల్లడయ్యింది. అడ్డంకిగా ఉన్న భర్తను వదిలించుకోవడానికి ప్రియాంక, కమలేష్ కలిసి ఒక భయంకరమైన కుట్ర పన్నారు.

లక్ష రూపాయల సుపారీ.. అర్థరాత్రి ఘాతుకం!

పక్కా ప్లాన్ ప్రకారం.. కమలేష్ తన స్నేహితుడు సురేంద్ర భట్‌ను రూ. లక్ష సుపారీకి మాట్లాడుకున్నాడు. అడ్వాన్స్‌గా రూ. 50 వేలు చెల్లించారు. హత్య జరిగిన రాత్రి ప్రియాంక కావాలనే ఇంటి తలుపులు తీసి ఉంచింది. సురేంద్ర లోపలికి చొరబడి నిద్రిస్తున్న దేవకృష్ణపై పదునైన ఆయుధంతో దాడి చేసి హతమార్చాడు. ఆ తర్వాత సినిమా స్టైల్లో.. ఇంట్లో వస్తువులను చెల్లాచెదురు చేసి, నగలను దాచిపెట్టి, ప్రియాంకను తాళ్లతో కట్టేసి దోపిడీ దొంగల పనిగా చిత్రీకరించారు.

36 గంటల్లోనే అడ్డంగా దొరికిపోయింది!

దర్యాప్తు చేస్తున్న సమయంలో ప్రియాంక నగలు ఇంట్లోనే ఒక మూల దొరకడంతో పోలీసుల అనుమానం బలపడింది. ఎస్పీ మయాంక్ అవస్తి ఆధ్వర్యంలో పోలీసులు ఆమెను గట్టిగా విచారించగా, పొంతన లేని సమాధానాలు చెప్పి అడ్డంగా దొరికిపోయింది. తన ప్రియుడి కోసం భర్తను చంపించినట్లు ఆమె నేరాన్ని అంగీకరించింది. కేవలం 36 గంటల్లోనే పోలీసులు ఈ మిస్టరీని ఛేదించి ప్రియాంక, కమలేష్‌లను అరెస్టు చేశారు. పరారీలో ఉన్న సురేంద్ర కోసం పోలీసులు గాలిస్తున్నారు. భర్త అందగాడు కాదని, నల్లగా ఉన్నాడని అవమానించిన ఆ ఇల్లాలు.. కట్టుకున్నవాడి ప్రాణాలను తీసి ఇప్పుడు కటకటాల పాలైంది.

Wife, Lover Held in Dhar Husband Murder; Police See Parallels With Raja Raghuwanshi Case

Priyanka and her paramour Kamlesh allegedly killed chilli merchant Devkrishna Purohit in Gondikheda Charan village and staged a robbery to cover their tracks — a pattern eerily reminiscent… https://t.co/OQbBO6PS67 pic.twitter.com/XDI2YTEtv7

— Hate Detector 🔍 (@HateDetectors) April 9, 2026

English summary

A shocking murder case in Madhya Pradesh's Dhar revealed a wife's conspiracy. Priyanka, along with her lover, killed her husband Devkrishna for being 'dark-skinned' and staged it as a robbery. Police cracked the case within 36 hours. మధ్యప్రదేశ్‌లో భర్త రంగు నల్లగా ఉన్నాడని భార్య తన ప్రియుడితో కలిసి కిరాతక హత్య చేయించిన భార్య