• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణ కోవిడ్ టాస్క్‌పోర్స్ తొలి సమావేశం: ఆక్సిజన్, రెమిడెసివిర్ కొరత లేకుండా చూస్తున్నామన్న కేటీఆర్

By BBC News తెలుగు
|

కేటీఆర్

తెలంగాణ రాష్ట్రంలో కోవిడ్ నియంత్రణ కోసం మంత్రి కె. తారకరామారావు నేతృత్వంలో ఏర్పాటు చేసిన టాస్క్ ఫోర్స్ తొలి సమావేశం ఈ రోజు సచివాలయంలో జరిగింది. ప్రభుత్వ ముఖ్య కార్యదర్శి సోమేశ్ కుమార్‌తో పాటు వివిధ శాఖల ఉన్నతాధికారులు ఈ సమావేశంలో పాల్గొన్నారు.

సమావేశం అనంతరం మంత్రి కేటీఆర్ మీడియా సమావేశంలో మాట్లాడుతూ, హోం ఐసోలేషన్‌లో ఉన్న వారికి ప్రభుత్వం ఇస్తున్న మందుల విషయంలో ఎలాంటి కొరత లేదని, ఇంటింటి సర్వే భారీ స్థాయిలో చేస్తూ అవసరమైన వారికి మెడికల్ కిట్స్ ఇస్తున్నామని అన్నారు. ఇప్పటికే రాష్ట్రంలో 60 లక్షల ఇళ్ల సర్వే పూర్తి చేసి 2.1 లక్షల కిట్లు ఇచ్చామని కేటీఆర్ తెలిపారు.

కేసీఆర్ ఇంకా ఏమన్నారు...

  • రాష్ట్రంలో ప్రభుత్వ, ప్రైవేట్ ఆస్పత్రులలో బెడ్స్ సంఖ్య భారీగా పెంచాం.
  • రాష్ట్రంలో రెమిడెసివిర్ ఇంజక్షన్లు 1.5 లక్షల దాకా ఉన్నాయి. అదనపు ఇంజక్షన్ల సరఫరాకు ఉత్పత్తి సంస్థలతో మాట్లాడుతున్నాం.
  • అరుదుగా ఉపయోగిస్తున్న టోలిసిజుమాబ్ వంటి ఇతర మందుల సరఫరా మీద కూడా దృష్టి కేంద్రీకరించాం.
  • బ్లాక్ ఫంగస్ విషయంలో కూడా ప్రభుత్వం అప్రమత్తంగా ఉంది. దీనికి కావలసిన మందులను కూడా సమీకరించే ప్రయత్నం చేస్తున్నాం.
  • ఆక్సిజన్ డిమాండ్, సరఫరా వివరాలు తీసుకున్నాం. ఆక్సిజన్ ఆడిట్ కూడా చేస్తాం.
  • కోవిడ్ హెల్ప్ లైన్ నంబర్ రాష్ట్రానికంతటికీ ఒకటే ఉండేలా చూడాలని సూచించాం.
  • రాష్ట్రంలో 45 ఏళ్లకు పైబడిన వారి జనాభా 92 లక్షలు. వీరిలో 38 లక్షల మంది ఇప్పటికే మొదటి డోసు తీసుకున్నారు. మొత్తంగా 10 లక్షల జనాభా పూర్తిగా వ్యాక్సీన్ తీసుకున్నారు.
  • టాస్క్ ఫోర్స్ సమావేశాలు ఇకపై వరసగా కొనసాగుతాయి. ఒక సమగ్ర కార్యాచరణ దిశగా యంత్రాంగాన్ని నడిపించే ప్రయత్నం చేస్తాయి.

తెలంగాణలో 4,723 కొత్త కేసులు

బుధవారం సాయంత్రం విడుదల చేసిన అధికారిక బులెటిన్ ప్రకారం తెలంగాణ రాష్ట్రంలో 4,723 కొత్త కోవిడ్ కేసులు నమోదయ్యాయి. గత 24 గంటల్లో 31 మంది చనిపోయారు. దీంతో మొత్తంగా కోవిడ్ మరణాల సంఖ్య 2,834కు చేరింది.

కొత్తగా 5,695 మంది కోవిడ్ నుంచి కోలుకున్నారు. రాష్ట్రంలో ఇప్పటివరకు మొత్తంగా 5,11,711 మంది కోవిడ్ బారిన పడగా, 4,49,744 మంది కోవిడ్ నుంచి కోలుకున్నారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

English summary
First meeting of Telangana Covid Task Force: KTR says no shortage of oxygen and remdesivir
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X