పెళ్లిలో కాల్పులు: కుప్పకూలిన వరుడు(వీడియో)
హిసార్: ఉత్తర భారతదేశంలో పెళ్లి వేడుకల్లో తుపాకులతో గాల్లోకి కాల్పులు జరిపి సంబరాలు చేసుకోవడం సాధారణంగా మారిపోయింది. ఈ సంబరాలు అనేకమార్లు ఆ వేడుకల్లో విషాదాన్నే మిగుల్చుతున్నాయి. అయినా, వేడుకలు నిర్వహించే వారిలో మార్పు రాకపోవడం విచారకరం.
తాజాగా గురువారం హర్యానాలోని హిసార్లో జరిగిన ఓ వివాహ వేడుకలో కాల్పుల కారణంగా ఏకంగా పెళ్లి కొడుకే కుప్పకూలాడు. వివాహ వేడుకలో బంధు మిత్రుల మధ్య నిలుచున్న వరుడు.. ఓ వ్యక్తి చేతిలోని పిస్టల్ నుంచి దూసుకువచ్చిన బుల్లెట్ అతని శరీరంలోకి దూసుకెళ్లింది. దీంతో అతడు అక్కడే కూలబడిపోయాడు.
వెనువెంటనే అతడిని సమీపంలోని ఆసుపత్రికి తరలించగా.. ప్రాణాపాయం నుంచి తప్పించుకున్నాడు. అతడి ఫిర్యాదు మేరకు కేసు నమోదు చేసిన హిసార్ పోలీసులు దర్యాప్తు చేస్తున్నారు.
#WATCH: Groom injured in celebratory firing during a wedding ceremony in Haryana's Hisar (28.4.16).https://t.co/iOOBggZsaO
— ANI (@ANI_news) April 30, 2016
ప్రస్తుతం ఈ వీడియో సోషల్ మీడియాలో హల్చల్ చేస్తోంది. వరుడిని గాయపరచిన పిస్టల్ పట్టుకున్న వ్యక్తి కూడా సదరు వీడియోలో స్పష్టంగా కనిపిస్తున్నాడు.
కాగా, ఉత్తరప్రదేశ్, మధ్యప్రదేశ్ రాష్ట్రాల్లో ఇటీవల జరిగిన వివాహ వేడుకల్లో కాల్పుల కారణంగా పదుల సంఖ్యలో వ్యక్తులు చనిపోవడం గమనార్హం. అయినా, సంబరాలు పేరిట ఈ దురాచారాన్ని కొనసాగిస్తుండటం గమనార్హం.