షాక్ : భార‌త హాకీ ప్లేయ‌ర్‌పై చీటింగ్ కేసు..

భారత హాకీ జట్టు ప్లేయ‌ర్‌, అర్జున అవార్డు గ్రహీత వరుణ్​ కుమార్​పై చీటింగ్ కేసు న‌మోదైంది. వివాహం చేసుకుంటానని త‌న‌ను నమ్మించి మోసం చేశాడంటూ హైదరాబాద్​కు చెందిన ఓ యువ క్రీడాకారిణి వ‌రుణ్ కుమార్‌పై కేసు పెట్టింది. భార‌త హాకీ జ‌ట్టు ఆట‌గాడు వ‌రుణ్‌కుమార్‌పై తాజాగా కర్ణాటక బెంగళూరులోని జ్ఞానభారతి పోలీస్ స్టేషన్​లో కేసు నమోదైంది.

వ‌రుణ్‌కుమార్ హిమాచ‌ల్‌ప్ర‌దేశ్‌కు చెందిన‌వాడు. ప్ర‌స్తుతం అత‌ను భార‌త హాకీ జ‌ట్టులో డిఫెండ‌ర్‌గా కొన‌సాగుతున్నాడు. వ‌రుణ్‌కుమార్ 2017లో ఇండియ‌న్ టీమ్‌లోకి వ‌చ్చాడు. 2022లో జ‌రిగిన బర్మింగ్​హమ్​ కామన్​వెల్త్​ గేమ్స్​లో వ‌రుణ్‌కుమార్ రజతం గెలిచాడు. 2020లో టోక్యో ఒలింపిక్స్‌లో కాంస్యం, అనంత‌రం 2022 ఆసియా గేమ్స్‌లో గోల్డ్ మెడ‌ల్ సాధించి జ‌ట్టులో నిలిచాడు. క్రీడా రంగంలో ఇత‌ను చేసిన సేవ‌ల‌గాను 2021లో ఇత‌నిని కేంద్ర‌ప్ర‌భుత్వం అర్జున అవార్డుతో స‌త్క‌రించింది. తాజాగా ఈ ఆట‌గాడిపై హైదరాబాద్​కు చెందిన ఓ యువ‌ క్రీడాకారిణి కేసు పెట్ట‌డం జ‌రిగింది.

పెళ్లి చేసుకుంటాన‌ని న‌మ్మించి మోసం చేశాడు : ఈ క్రీడాకారిణి 2016-17 సమయంలో స్పోర్ట్స్ అథారిటీ ఆఫ్​ ఇండియా సౌత్​ డివిజన్​ ఇచ్చే శిక్షణకు ఎంపిక అయ్యింది. అదే స‌మ‌యంలో వ‌రుణ్‌కుమార్ త‌న‌కు సోష‌ల్‌మీడియాలో ప‌రిచ‌యం అయ్యాడు. వారి మ‌ధ్య ఉన్న స్నేహం కాస్త ప్రేమగా చిగురించింది. ఈ క్ర‌మంలో 2019లో డిన్న‌ర్‌క‌ని తీసుకెళ్లి ఆమెపై లైంగికంగా సంబంధం పెట్టుకున్నాడ‌ని బాధితురాలు పోలీసుల‌కు ఇచ్చిన ఫిర్యాదులో పేర్కొంది. ఆ త‌ర్వాత పెళ్లి చేసుకుంటాన‌ని నమ్మించి ఆమెతో ఐదేళ్ల‌పాటు సంబంధాన్ని కొన‌సాగించాడ‌ని పోలీసుల‌కు వివ‌రించింది. గ‌త సంవ‌త్స‌రం నుంచి త‌ను త‌ప్పించుకుని తిరుగుతున్నాడ‌ని పోలీసుల‌కు ఫిర్యాదు చేసింది. దీనిపై పోలీసులు కేసు న‌మోదు చేసి విచార‌ణ చేప‌ట్టారు.

English summary

A cheating case has been registered against Indian hockey team player and Arjuna awardee Varun Kumar. A young sportsperson from Hyderabad filed a case against Varun Kumar for cheating her into believing that she would get married