హృతిక్ మాజీ భార్యపై చీటింగ్ కేసు: ఏమైంది?

పనాజి: ప్రముఖ బాలీవుడ్ హీరో హృతిక్ రోషన్ మాజీ భార్య, ఇంటీరియర్ డిజైనర్ సుసన్నే ఖాన్‌పై గోవా పోలీసులు చీటింగ్ కేసు నమోదు చేశారు. ఓ రియల్ ఎస్టేట్ సంస్థ ఫిర్యాదు మేరకు గోవా పోలీసులు ఆమెపై 420 సెక్షన్ కింద కేసు నమోదు చేశారు.

ఆర్కిటెక్ట్‌గా పరిచయం చేసుకున్న సుసన్నే ఖాన్.. తమ నుంచి ఓ కాంట్రాక్టు తీసుకుందని, ఈ పనికోసం 2013లో ఆమెకు 1.87 కోట్ల రూపాయలు చెల్లించామని, అయితే ఇప్పటివరకు పని పూర్తిచేయలేదని ఎంజీ ప్రాపర్టీస్ అనే రియల్ ఎస్టేట్ సంస్థ పోలీసులకు ఫిర్యాదు చేసింది.

కౌన్సిల్ ఆఫ్ ఆర్కిటెక్చర్‌లో రిజిస్ట్రేషన్ నెంబర్ వివరాలు ఇవ్వాల్సిందిగా సుసన్నేను కోరగా.. ఆమె తెలియజేయలేదని ఆరోపించింది. కౌన్సిల్ ఆఫ్ ఆర్కిటెక్చర్ లో ఆరా తీయగా సుసాన్నే అసలు రిజిస్ట్రేషన్ చేసుకోలేదని తెలిసిందని ఈ సంస్థ వెల్లడించింది. అయితే, ఈ కేసుకు సంబంధించి మరిన్ని వివరాలు తెలియాల్సివుంది.

English summary

You all will be shocked to know that Hrithik Roshan’s former wife Sussanne Khan has been booked by Panaji Police. The 37-year-old interior designer is allegedly involved in a Rs 1.87 crore cheating case.