దావూద్ ఫ్యామిలీ పాస్ పోర్టులు ఇవే (ఫోటోలు)

Published: Monday, September 14, 2015, 13:41 [IST]

న్యూఢిల్లీ: 1993 ముంబై బాంబు పేలుళ్ల సూత్రధారి, మాఫియా డాన్ దావూద్ ఇబ్రహీం కుటుంబ సభ్యులు పాకిస్థాన్ నుంచి వేరే దేశాలకు వెళ్లి వస్తున్నారా అని భారత్ అధికారులు ఆరా తీస్తున్నారు. ఇప్పటికే పాకిస్థాన్ లోని దావూద్ ఇంటి అడ్రస్ లతో పాటు అన్ని రకాల సమాచారం సేకరించారు.

అదే విధంగా దావూద్ ఇబ్రహీంతో పాటు అతని కుటుంబ సభ్యుల అందరి పాస్ పోర్టు నెంబర్లు సేకరించారు. దావూద్ ఫ్యామిలీ సభ్యులు విదేశాలకు వెళ్లి వస్తున్నారా అని ఆరా తీస్తున్నారు. ఇంటర్ పోల్ అధికారులతో ఎప్పటికప్పుడు ఈ విషయంపై వివరాలు సేకరిస్తున్నారు.

భారత్ తో నేరస్తుల అప్పగింతలపై పరస్పరం ఒప్పందాలు ఉన్న దేశాలకు దావూద్ ఇబ్రహీం కుటుంబ సభ్యులు వెళితే వారిని పట్టుకోవాలని అధికారులు ప్రయత్నిస్తున్నారు. అయితే పాకిస్థాన్ ఎటువంటి పరిస్థితులలో దావూద్ గురించి సమాచారం ఇవ్వదని, అతని అరెస్టుకు సహకరించదని భారత్ ఇంటిలిజెన్స్ వర్గాలు అంటున్నాయి.

దావూద్ కు మూడు పాస్ పోర్టులు

దావూద్ ఇబ్రహీంకు పాకిస్థాన్ ప్రభుత్వం మూడు పాస్ పోర్టులు మంజూరు చేసింది. మొదటి పాస్ పోర్టు రావల్పిండిలో ఇచ్చారు. రెండు పాస్ పోర్టులు కరాచిలో ఇచ్చారు.

కుటుంబ సభ్యులు అందరికి

దావూద్ తో పాటు అతని భార్య మెహజబిన్, కుమారుడు మోయిన్, కుమార్తెలు మెహరుఖ్, మెహ్రీఖ్ లకు పాకిస్థాన్ పాస్ పోర్టులు ఇచ్చింది.

దావూద్ పాస్ పోర్టు నెంబర్లు ఇవే

రావల్పిండి (No.G-866537),
కరాచి (No.C-267185)
కరాచి (No.KC-285901)

కుటుంబ సభ్యుల పాస్ పోర్టులు

భార్య మెహజబిన్: (No.J-589103)
కుమారుడు మోయిన్: ( No. J-588518)
కుమార్తె మెహరుఖ్: ( No.J-563473)-జావెద్ మియాందాద్ కోడలు
కుమార్తె మెహ్రీన్: ( No. J-563439)
దావూద్ సోదరులు అనీస్: ( No.H-144394), ముస్తకీమ్: ( No.KA-713357)

మాజీ క్రికెటర్ తో సంబంధం

దావూద్ కుమార్తె మెహరిఖ్ పాక్ మాజీ క్రికెటర్ జావెద్ మియాందాద్ కుమారుడు జునైద్ ను వివాహం చేసుకుంది.

పలు చోట్ల ఇండ్లు

దావూద్ ఇబ్రహీంకు పాకిస్థాన్ లో 7 ప్రాంతాలలో సొంత ఇండ్లు ఉన్నాయి. పేరు ప్రతిష్టలు ఉన్న వారు నివాసం ఉంటున్న చోట ఇతనికి ఇండ్లు ఉన్నాయి. అప్పుడప్పుడు ఇతను ఇండ్లు మార్చుతుంటాడని వెలుగు చూసింది.