International yoga day: యోగాసనాలతో ఆకట్టుకున్న ప్రధాని మోదీ, వీడియో వైరల్..!

రోజూ యోగా చేస్తే ఆరోగ్యం మన సొంతం అవుతుంది.ఎలాంటి జబ్బులు దరిచేరవు. అన్నిటికీ మంచి మంత్రం యోగా. ఇక యోగా ప్రపంచవ్యాప్తంగా ప్రాచుర్యం పొందింది. వచ్చేవారం అంటే జూన్ 21వ తేదీన అంతర్జాతీయ యోగా దినోత్సవంను ప్రపంచం జరుపుకోనుంది. ఈ సమయంలో ప్రధాని మోదీ అమెరికా పర్యటనలో ఉంటారు.న్యూయార్క్‌లోని ఐక్యరాజ్యసమితి వేదికగా జూన్ 21వ తేదీన అంతర్జాతీయ యోగా దినోత్సవ వేడుకలు జరుగుతాయి.

జూన్ 21వ తేదీన ప్రధాని మోదీ అమెరికా పర్యటనలో ఉంటున్న నేపథ్యంలో ఆయన ఐక్యరాజ్య సమితిలో జరిగే అంతర్జాతీయ యోగా దినోత్సవ వేడుకలో పాల్గొని ఆ కార్యక్రమానికి నాయకత్వం వహిస్తారు.ఈ వేడుకలో ఐక్యరాజ్యసమితి జనరల్ అసెంబ్లీ అధ్యక్షురాలు సబా కొరోసీ కూడా పాల్గొంటారు. ఈ సందర్భంగా ఆమె ఓ ట్వీట్ వేశారు. ఐక్యరాజ్య సమితిలో 9వ అంతర్జాతీయ యోగా దినోత్సవ కార్యక్రమంలో ప్రధాని మోదీ పాల్గొనడం చాలా సంతోషంగా ఉందని ట్వీట్ చేశారు.

కొరోసీ ట్వీట్ పై ప్రధాని మోదీ స్పందించారు."ఐక్యరాజ్యసమితి ప్రధాన కార్యాలయంలో జరిగే అంతర్జాతీయ యోగా దినోత్సవ వేడుకల్లో మిమ్మలను కలిసేందుకు ఎదురుచూస్తున్నాను.మీ భాగస్వామ్యం ఈ కార్యక్రమానికి మరింత వెలుగును తీసుకొస్తుంది.శరీరం మనసును ఆరోగ్యంగా ఉంచడంలో యోగా కీలక పాత్ర పోషిస్తుంది. ప్రపంచాన్ని యోగా ఏకం చేస్తుంది." అని ప్రధాని మోదీ ట్వీట్ చేశారు.

Yoga holds profound benefits for both body and mind, fostering strength, flexibility, and tranquility. Let us make Yoga a part of our lives and further wellness as well as peace. Sharing a set of videos depicting the various Asanas. https://t.co/Ptzxb89hrV

— Narendra Modi (@narendramodi) June 16, 2023

యోగా తమ దైనందిన జీవితంలో భాగం చేసుకోవాలని ప్రధాని మోదీ మరో ట్వీట్‌లో ప్రజలను కోరారు. అదే సమయంలో వివిధ ఆసనాలను వర్ణించే వీడియోను కూడా ప్రధాని మోదీ షేర్ చేశారు.

English summary

PM Modi shares a video of him doing asanas ahead of International Yoga day.