ఫ్రీగా పిజ్జాలు.. 2 వేల మంది ఇస్రో శాస్త్రవేత్తలకు.. పిజ్జా హట్ స్పెషల్ ట్రీట్

ఒకేసారి 104 ఉపగ్రహాలను కక్ష్యలో ప్రవేశపెట్టి రికార్డు సృష్టించిన ఇస్రో శాస్త్రవేత్తలకు శుభాకాంక్షలు చెబుతూ.. దేశవ్యాప్తంగా ఉన్న 2 వేల మంది ఇస్రో ఉద్యోగులకు ఉచితంగా పిజ్జాలను ఆఫర్ చేసింది పిజ్జా హట్.

బెంగళూరు: ఒకేసారి 104 ఉపగ్రహాలను కక్ష్యలో ప్రవేశపెట్టి రికార్డు సృష్టించిన ఇస్రో శాస్త్రవేత్తలు పిజ్జాలతో తమ విజయాన్ని సెలబ్రేట్ చేసుకున్నారు. ఇస్రో సాధించిన ఘనతకు శుభాకాంక్షలు చెబుతూ.. దేశవ్యాప్తంగా ఉన్న ఇస్రో ఉద్యోగులకు ఉచితంగా పిజ్జాలను ఆఫర్ చేసింది పిజ్జా హట్.

ఆ ఉద్యోగులందరినీ తమ ఔట్ లెట్స్ కు వచ్చి ఫ్రీ పిజ్జాలను ఎంజాయ్ చేయమని పిజ్జా హట్ ట్విట్టర్ లో ఆహ్వానించింది. దేశవ్యాప్తంగా ఉన్న 2 వేల మంది ఇస్రో ఉద్యోగులకు రూ.6 లక్షల విలువైన పిజ్జాలను పిజ్జా హట్ ఆఫర్ చేసింది.

ఈ ఆఫర్ ను ప్రశంసిస్తూ ఎంతోమంది ట్వీట్స్ చేశారు. ఈనెల 15న పీఎస్ఎల్వీ-సి37 రాకెట్ లో 104 ఉపగ్రహాలను ఒకేసారి నింగిలోకి పంపింది ఇస్రో. దీంతో 37 ఉపగ్రహాలతో గతంలో రష్యా పేరిట ఉన్న రికార్డు మరుగున పడిపోయింది.

పిజ్జా హట్ ఇప్పడు ఇస్రో ఉద్యోగులకే కాదు.. గతంలో నోట్ల రద్దు సమయంలో బ్యాంకుల దగ్గర క్యూలో నిలబడిన వారికి, బ్యాంకు సిబ్బందికి కూడా ఉచితంగా పిజ్జాలు పంచి పెట్టింది.

English summary

Pizzas are a great way to celebrate a big achievement at work and scientists at ISRO are no different. So, when ISRO made a world record by launching 104 satellites in space, a pizza chain was quick to sponsor the party! Pizza Hut, a popular pizza chain, offered free pizzas to all ISRO employees across the country for their accomplishment. Pizza Hut invited ISRO staff to their outlets and avail their free pan pizzas. The announcement came on Twitter soon after the launch with a message for ISRO - 'we are loving it to the moon and back'.