జార్ఖండ్ 11వ సీఎంగా హేమంత్ సోరెన్, మొరబాదీ గ్రౌండ్‌లో ప్రమాణ స్వీకారం, రాహుల్, ప్రియాంక హాజరు..

జార్ఖండ్ సీఎంగా హేమంత్ సోరెన్ ప్రమాణ స్వీకారం చేయనున్నారు. రాంచీలోని మొరబాదీ గ్రౌండ్‌లో మధ్యాహ్న 2 గంటలకు హేమంత్ సోరెన్ చేత గవర్నర్ ద్రౌపది ముర్ము ప్రమాణం చేయిస్తారు. జార్ఖండ్ అసెంబ్లీ ఎన్నికల ఫలితాల్లో జేఎంఎం-కాంగ్రెస్ కూటమి 47 సీట్లు సాధించిన సంగతి తెలిసిందే. హేమంత్ సోరెన్ బృందం ఈ నెల 24వ తేదీన గవర్నర్‌ని కలిసింది.

ఆ సందర్భంలో ప్రభుత్వం ఏర్పాటు చేయాలని గవర్నర్ కోరారు. ఆదివారం ప్రమాణ స్వీకారం చేస్తానని చెప్పి, ఆ మేరకు ఏర్పాట్లు చేసుకున్నారు. మరోవైపు హేమంత్ సోరెన్ ప్రమాణ స్వీకారానికి విపక్ష కూటమి నేతలు హాజరుకాబోతున్నారు. ఎన్డీఏ వ్యతిరేక కూటమి నేతలంతా ఒక్కచోటికి చేరి, ప్రభుత్వ వ్యతిరేక బలం చూపించబోతున్నారు. రాహుల్ గాంధీ, ప్రియాంకగాంధీ, కాంగ్రెస్ పాలిత రాష్ట్రాల సీఎంలు, మహారాష్ట్ర సీఎం ఉద్దవ్, ఢిల్లీ సీఎం అరవింద్ కేజ్రీవాల్ సహా నేతలంతా హాజరవుతున్నారు.

English summary

jharkhand Mukti Morcha leader and chief minister-designate Hemant Soren will take the oath of office and secrecy on Sunday.