ప్రముఖ నటి లీలావతి కన్నుమూత, 600 సినిమాలు, డాక్టర్ రాజ్ కుమార్ తో, సీఎం సంతాపం !

ప్రముఖ కన్నడ సినీ నటి లీలావతి (86) కన్నుమూశారు. గత కొన్ని నెలలుగా తీవ్ర అనారోగ్యంతో బాధపడుతున్న లీలావతి శుక్రవారం సాయంత్రం బెంగళూరు నగర శివార్లలోని నెలమంగళలోని ఓ ప్రైవేట్ ఆసుపత్రిలో తుదిశ్వాస విడిచారు. దక్షిణ కన్నడ జిల్లాలోని బెళ్తంగడిలో జన్మించిన నటి లీలావతికి చిన్నతనంలోనే నాటకం మరియు నాటక రంగాలపై ఆసక్తి ఉండేది.

600కు పైగా సినిమాల్లో నటించిన నటి లీలావతి 50 ఏళ్లుగా సినీ పరిశ్రమకు సేవలందించారు. ప్రముఖ కన్నడ సినీ నటుడు డాక్టర్ రాజ్‌కుమార్, విష్ణువర్ధన్‌లతో నటించిన లీలావతి అభిమానుల మనసు దోచుకున్నారు లీలావతి నటన ద్వారానే కాకుండా సామాజిక సేవ ద్వారా కూడా గుర్తింపు పొందారు. లీలావతి 1949లో శంకర్ సింగ్ యొక్క నాగకన్నికలో సఖి అనే పాత్రను పోషించి కన్నడ చిత్రసీమలోకి ప్రవేశించారు.

సుబ్బయ్య నాయుడు సంస్థలో థియేటర్ ఆర్టిస్టుగా పనిచేసిన లీలావతి కయావిదు స్నేహితురాలిగా నటించారు. మహాలింగ భాగవతార నాటక సంస్థలో చేరి అనేక నాటకాలలో నటించారు. సుబ్బయ్య నాయుడు 'భక్త ప్రహ్లాద'లో కూడా లీలావతి నటించారు. మాంగల్య యోగం అనే సినిమాతో లీలావతి మొదటిసారి కథానాయికగా నటించారు. కన్నడ కంఠీరవుడు డాక్టర్ రాజ్ కుమార్ కలిసి నటించిన తొలి చిత్రం రంధీర కంఠీరవ, రాణి హొన్నమ్మ సినిమా సూపర్ డూపర్ హిట్ అయ్యాయి.

ఆ సినిమా విజయం తర్వాత డాక్టర్ రాజ్ కుమార్, లీలావతి జంట ప్రజాదరణ పొందింది. సంత్ తుకారాం, కంణ్తెరెదునోడు, కైవార మహాత్మ, గాలి గోపురం, కన్యారత్న, కులవధు, వీర కేసరి, మన మెచ్చిద మడదితో సహా అనేక సినిమాలో డాక్టర్ రాజ్ కుమార్, లీలావతి జంట నటించిన సినిమాలో కన్నడ చిత్రరంగ పరిశ్రమలో మంచి విజయాలు అందుకున్నాయి.

రాజ్ కుమార్, లీలావతి జంట అనేక చిత్రాలలో ఆయన కనిపించారు. అలాగే నాయకుల కంటే ఎక్కువ పారితోషికం తీసుకున్న నటిగా లీలావతి కన్నడ చిత్రపరిశ్రమలో రికార్డులకు ఎక్కారు లీలావతి తన 50 ఏళ్ల కెరీర్‌లో 600కు పైగా చిత్రాల్లో నటించారు. రాజ్ కుమార్, లీలావతి జంట కన్నడ చిత్రపరిశ్రమలో మంచి జోడీగా, వారికి ఎవ్వరు సాటి అనే రైంజ్ కు ప్రేక్షలకులను అలరించారు లీలావతి తనయుడు వినోద్ రాజ్ కూడా నటుడే. డ్యాన్స్ రాజా డ్యాన్స్ (ఈ సినిమా ఇదే పేరుతో తెలుగులో కూడా విడుదల అయ్యి అప్పట్లో మంచి విజయం సాధించింది,

కృష్ణా నీ కునిదగా, కాలేజ్ హీరో, మహాభారతం' వంటి పలు చిత్రాల్లో నటించారు. కన్నడలో చిరంజీవి, అర్జున్ సర్జా, సౌందర్య తదితరులు నటించిన శ్రీమంజునాథ సినిమాలో కూడా వినోద్ రాజ్ నటించారు. ప్రముఖ నటి లీలావతి మృతి పట్ల కర్ణాటక సీఎం సిద్ధరామయ్య సంతాపం తెలిపారు. ప్రముఖ కన్నడ సినీ నటి లీలావతి మృతి చెందారనే వార్త బాధాకరం. గత వారమే ఆమె అనారోగ్యం గురించి విన్న తరువాత తాను లీలావతి ఇంటికి వెళ్లి ఆమె తని ఆరోగ్యం గురించి అడిగి తెలుసుకున్నాను, ఆమె కుమారుడు వినోద్ రాజ్‌తో మాట్లాడాను అని సిద్దరామయ్య అన్నారు.

ఎన్నో దశాబ్దాలుగా ప్రేక్షకులను మైమరిపించే నటనతో ప్రేక్షకులను అలరించిన లీలావతి కోలుకుని ఇంకెంత కాలం మనతో ఉంటుందన్న నా నమ్మకం అబద్ధం అయ్యిందని, ఆమె ఆత్మకు శాంతి కలగాలని, ఆమె కుటుంబ సభ్యులకు ఈ దుఃఖాన్ని భరించే శక్తిని ఆ దేవుడు ఇవ్వాలని ప్రార్థిస్తున్నట్లు సీఎం సిద్దరామయ్య ఆయన ప్రగాఢ సానుభూతి తెలిపారు. సీఎం సిద్దరామయ్యతో పాటు మాజీ ముఖ్యమంత్రులు, మంత్రులు, ప్రముఖ రాజకీయ నాయకులు, సినీ ప్రముఖులు నటి లీలావతి మృతి పట్ల సంతాపం తెలిపారు.

English summary

Popular Kannada actress Leelavati, who acted in over 600 films, passed away on the outskirts of Bengaluru city due to illness.