14 రోజులు కీలకం: ల్యాండర్తో కనెక్ట్ అయ్యేందుకు శాస్త్రవేత్తల ప్రయత్నం
బెంగళూరు: చంద్రయాన్-2 ప్రయోగం పై ఆశలు ఇంకా మిగిలే ఉన్నాయని చెబుతున్నారు ఇస్రో శాస్త్రవేత్తలు. సెప్టెంబర్ 7వ తేదీన ల్యాండర్ విక్రమ్ నుంచి ఎలాంటి సంకేతాలు వెలువడకపోవడం.. ఆ తర్వాత అది తప్పిపోవడంతో శాస్త్రవేత్తలు కొంత నిరాశకు గురయ్యారు. అయితే ల్యాండర్ను గుర్తిస్తూ ఆర్బిటార్ పంపిన ఫోటోలతో ఇస్రో శాస్త్రవేత్తలు మళ్లీ వారి ప్రయత్నాలను చేస్తున్నారు. చంద్రయాన్-2తో తిరిగి కనెక్ట్ అయ్యేందుకు శాస్త్రవేత్తలు సర్వశక్తులు ఒడ్డుతున్నారు. విక్రమ్ ల్యాండర్ హార్డ్ ల్యాడింగ్ తర్వాత చంద్రుడి ఉపరితలంపైనే ఉన్నట్లు శాస్త్రవేత్తలు చెబుతున్నారు.
విక్రమ్ ల్యాండర్ ముందుగా అనుకున్న ల్యాండింగ్ ప్రాంతంలో కాకుండా మరో చోట హార్డ్ ల్యాండింగ్ అయ్యిందని శాస్త్రవేత్తలు చెబుతున్నారు. ఇది ఆర్బిటార్ పంపిన ఫోటోల ద్వారా తెలుస్తోందని చెప్పారు.అయితే ల్యాండర్ విరిగిపోవడం కానీ ధ్వంసం అయినట్లుగా కానీ ఎక్కడా కనిపించడం లేదని చెప్పారు. అయితే ల్యాండర్ కాస్త వంగి ఉన్నట్లుగా కనిపిస్తోందని చెప్పారు. ల్యాండర్తో తిరిగి కనెక్ట్ అయ్యేందుకు తమ శాయశక్తులా కృషిచేస్తున్నట్లు ఓ శాస్త్రవేత్త తెలిపారు. ఇస్రో టెలీమెట్రీలో ట్రాకింగ్ అండ్ కమాండింగ్ నెట్వర్క్పై ఇస్రో బృందం పనిచేస్తోందని చెప్పారు.
ఇదిలా ఉంటే చంద్రయాన్-2లో ఆర్బిటార్, ల్యాండర్ విక్రమ్, రోవర్ ప్రగ్యాన్లు ఉన్నాయి. ల్యాండర్ మరియు రోవర్ జీవితకాలం చంద్రుడిపై పోలిస్తే ఒకరోజు అదే భూమితో పోలిస్తే 14 రోజులు. ఈ 14రోజుల సమయంలో తిరిగి ల్యాండర్తో కనెక్ట్ అయ్యేందుకు ప్రయత్నిస్తామని చెప్పారు ఇస్రో అధినేత శివన్. ల్యాండర్లో సున్నితమైన పరికరాలన్నీ బాగా ఉంటే తిరిగి సంబంధాలు నెలకొనేందుకు అవకాశం ఉంటుందని అయితే హార్డ్ ల్యాండింగ్ అయినందున ఆ అవకాశాలు చాలా తక్కువగా ఉంటాయని ఓ శాస్త్రవేత్త చెప్పారు.
గతంలో అంతరిక్షంలో ఉండగా తప్పిపోయిన ఉపగ్రహాలను తిరిగి సరైన మార్గంలో పెట్టగలిగిన అనుభవం ఉన్నప్పటికీ ల్యాండర్ను తిరిగి సరైన మార్గానికి తీసుకురావడం చాలా కష్టమని ఓ శాస్త్రవేత్త తెలిపారు. ఇప్పటికే అది చంద్రుడి ఉపరితలంపై ఉందని తిరిగి ముందుగా అనుకున్న ప్రాంతానికి తీసుకురావడం చాలా కష్టమని చెప్పారు. ఇక అన్నిటికంటే కీలకమైన విషయం ల్యాండర్కు అమర్చిన యాంటెన్నాలు గ్రౌండ్ స్టేషన్తో అన్న సంబంధాలు కలిగి ఉండాలి లేదా ఆర్బిటర్తో నైనా సంబంధాలు కలిగి ఉండాలి. ఇది చేయాలంటే నిజంగానే కష్టమైన పని అని ఓ శాస్త్రవేత్త చెప్పారు. అదేసమయంలో ఇది సాధ్యం కాదని కూడా చెప్పలేమన్నారు.
-
అంచనాలను తలకిందులు చేస్తోన్న బంగారం ధరలు -
ఉగాది నుంచి వృషభరాశి, మేషరాశి వారి జాతక ఫలం -
Work From Home ఇచ్చేశారు. ప్రభుత్వం, ఐటీ దిగ్గజాల కీలక ప్రకటన! -
ICC T20I ర్యాంకింగ్స్: దూసుకొచ్చిన సంజూ, ఇషాన్ - అభిషేక్ ఏ స్థానంలో..!! -
రైతులకు శుభవార్త.. రైతు భరోసాపై కీలక ప్రకటన చేసిన మంత్రి! -
తమిళ నాట అధికారం వారిదే, విజయ్ కు దక్కే సీట్లెన్ని- తేల్చేసిన కేకే సర్వే..!! -
2024 నాటి భీభత్సం మళ్లీ వస్తుంది: ఈ వేసవి చాలా కాలం ఉంటుంది! -
ఉగాది నుంచి మిథున రాశి, కర్కాటక రాశి వారి జాతక ఫలం -
ఇన్నాళ్లూ ఆచితూచి- ఇప్పుడు ప్రధాని మోదీపై సీఎం డైరెక్ట్ అటాక్? -
భారత్పై అమెరికా దర్యాప్తు. సెక్షన్ 301 ప్రయోగించిన ట్రంప్ -
దేశంలో తొలి `కారుణ్య మరణం`- తీర్పు చెబుతూ కన్నీళ్లు పెట్టిన సుప్రీంకోర్టు ధర్మాసనం -
తెలంగాణ నూతన డీజీపీ ఖరారు, అనూహ్య ఎంపిక..!!
Click it and Unblock the Notifications
Sign in with Google