నటి కిడ్నాప్, లైంగిక దాడి, దిలీప్ ఫ్రెండ్, నటుడు, దర్శకుడికి సమన్లు, రేపు హైకోర్టులో, !

ప్రముఖ నటి కిడ్నాప్, సామూహిక లైంగిక దాడి కేసులో మలయాళం నటుడు, దర్శకుడు, హీరో దిలీప్ స్నేహితుడు నాదిర్ షాకు కేరళ పోలీసులు సమన్లు జారీ చేశారు.

కొచ్చి: ప్రముఖ నటి కిడ్నాప్, సామూహిక లైంగిక దాడి కేసులో మలయాళం నటుడు, దర్శకుడు, హీరో దిలీప్ స్నేహితుడు నాదిర్ షాకు కేరళ పోలీసులు సమన్లు జారీ చేశారు. నటి లైంగిక దాడి కేసులో విచారణకు హాజరుకావాలని నాదిర్ షాకు గురువారం కేరళ పోలీసు అధికారులు సూచించారు.

నటి కిడ్నాప్, లైంగిక దాడి కేసులో జూన్ 29వ తేదీన నాదిర్ షాను కేరళ పోలీసులు 13 గంటల పాటు విచారణ చేసి వివరాలు సేకరించి ఇంటికి పంపించారు. అనారోగ్యంగా ఉందని నాదిర్ షా ఓ ప్రైవేటు ఆసుపత్రిలో ఇంతకాలం చికిత్స పొందుతూ ఇటీవలే ఇంటికి వెళ్లారు.

జులై 10వ తేదిన మలయాళం హీరో దిలీప్ ను విచారణ చేసిన పోలీసులు కేరళ పోలీసు క్లబ్ లోనే ఆయన్ను అరెస్టు చేసి జైలుకు పంపించారు. దిలీప్ అరెస్టు అయిన తరువాత తనను అరెస్టు చేస్తారనే భయంతో ఆసుపత్రిలో చేరిన నాదిర్ షా ముందుస్తు బెయిల్ కోసం కేరళ హైకోర్టును ఆశ్రయించారు.

శుక్రవారం నాదిర్ షా పిటిషన్ కేరళ హైకోర్టులో విచారణకు రానుంది. హైకోర్టులో ముందుస్తు బెయిల్ పిటిషన్ విచారణ జరిగే ఒక్క రోజు ముందే కేరళ పోలీసులు మీఅంతకు మీరు మా ముందు విచారణకు హాజరుకావాలని సమన్లు జారీ చెయ్యడంతో నాదిర్ షా హడలిపోయారు. ఫిబ్రవరి 17వ తేదీన నటి కిడ్నాప్, లైంగిక దాడి కేసులో నాదిర్ షా ప్రమేయం ఉందని ఈ కేసులో అరెస్టు అయిన ప్రధాన నిందితుడు పల్సర్ సునీ కేరళ పోలీసులకు చెప్పాడని సమాచారం.

English summary

Malayam actor-director Nadir Shah has been asked to re-appear before the probe team in the Malayalam actress' kidnapping case, a Kerala Police officer said on Thursday.