మోడీతోపాటు ప్రమాణ స్వీకారం: ప్రముఖులు(పిక్చర్స్)

Published: Tuesday, May 27, 2014, 17:29 [IST]

న్యూఢిల్లీ: దాదాపు 30ఏళ్ల తర్వాత కేంద్రంలో సుస్థిర ప్రభుత్వం కొలువుదీరింది. 45 మంది మంత్రులతో భారతీయ జనతా పార్టీ నేతృత్వంలోని ఎన్డీఏ ప్రభుత్వాన్ని నరేంద్ర మోడీ ఏర్పాటు చేశారు. నరేంద్ర మోడీ సోమవారం సాయంత్రం ఆరు గంటలకు భారత ప్రధానిగా ప్రమాణ స్వీకారం చేశారు. తన మంత్రివర్గంలో ఏడుగురు మహిళలకు చోటు కల్పించారు. ఏడుగురిలో ఆరుగురు కేబినెట్ మంత్రులుగా అవకాశం దక్కించుకున్నారు.

మోడీ ప్రమాణ స్వీకారానికి సార్క్ దేశాధినేతలు తరలి వచ్చారు. పాకిస్థాన్ ప్రధాని నవాజ్ షరీఫ్, శ్రీలంక అధ్యక్షుడు రాజపక్షలు కూడా వచ్చారు. నరేంద్ర మోడీతో పాటు కేబినెట్ మంత్రులు, సహాయ మంత్రులు, స్వతంత్ర హోదా గల మంత్రులు రాష్ట్రపతి భవన్‌లో సోమవారం సాయంత్రం ప్రమాణ స్వీకారం చేశారు.

నరేంద్ర మోడీతో ప్రారంభమైన ప్రమాణ స్వీకారం జార్ఖండ్ పార్లమెంటు సభ్యుడు సుదర్శన్ భగత్‌తో ముగిసింది. ఎన్డీఏ భాగస్వామ్యపక్షాల సభ్యులకూ మంత్రివర్గంలో చోటు కల్పించారు. కాగా, మోడీ ప్రమాణ స్వీకారోత్సవానికి దేశంలోని రాజకీయ, సినీ, పారిశ్రామిక దిగ్గజాలు, ప్రముఖులు హాజరయ్యారు.

నరేంద్ర మోడీ

ప్రధాన మంత్రిగా ప్రమాణం చేసిన నరేంద్ర మోడీ రాష్ట్రపతి ప్రణబ్ ముఖర్జీ శుభాకాంక్షలు తెలుపుతున్న దృశ్యం.

మోడీ అభివాదం

ప్రధానమంత్రిగా ప్రమాణ స్వీకారం చేసిన అనంతరం అభివాదం చేస్తున్న నరేంద్ర మోడీ

ప్రమాణ స్వీకారం

సోమవారం సాయంత్రం రాష్ట్రపతి భవన్‌లో భారత 15వ ప్రధాన మంత్రిగా నరేంద్ర మోడీ ప్రమాణం చేస్తున్న దృశ్యం.

రాష్ట్రపతి అభినందనలు

ప్రధానిగా నరేంద్ర మోడీ ప్రమాణ స్వీకారం చేసిన అనంతరం ఆయనకు అభినందనలు తెలియజేస్తున్న రాష్ట్రపతి ప్రణబ్ ముఖర్జీ.

ప్రధాని మోడీతో రాష్ట్రపతి

45 మంది మంత్రులతో భారతీయ జనతా పార్టీ నేతృత్వంలోని ఎన్డీఏ ప్రభుత్వాన్ని నరేంద్ర మోడీ ఏర్పాటు చేశారు.

రాష్ట్రపతితో..

ప్రమాణ స్వీకారం అనంతరం రాష్ట్రపతి ప్రణబ్ ముఖర్జీ, ఉప రాష్ట్రపతి హమీద్ అన్సారీతో కలిసి ఫొటోలు దిగిన ప్రధాని నరేంద్ర మోడీ, ఆయన మంత్రివర్గ సభ్యులు.

రాష్ట్రపతితో..

ప్రమాణ స్వీకారం

ప్రధాని నరేంద్ర మోడీతోపాటు మంత్రులు రాజ్‌నాథ్ సింగ్, సుష్మా స్వరాజ్, అరుణ్ జైట్లీ ఇతర సభ్యులు.

అరుణ్ జైట్లీ

కేంద్రమంత్రిగా ప్రమాణ స్వీకారం చేస్తున్న బిజెపి సీనియర్ నేత అరుణ్ జైట్లీ. ఆయనకు ఆర్థిక శాఖను కేటాయించారు.

కేంద్రమంత్రులుగా ప్రమాణం

కేంద్రమంత్రులుగా ప్రమాణం చేస్తున్న మేనకా సంజయ్ గాంధీ, అనంతకుమార్, రవి శంకర్ ప్రసాద్, అశోక్ గజపతి రాజు పూసపాటి, అనంత్ గీతె, హర్షిమ్రత్ కౌర్ బాదల్, నరేంద్ర సింగ్ తోమర్, జౌల్ ఓరమ్, మోహన్ సింగ్, థావర్ చంద్ గెహ్లాట్, స్మృతీ ఇరానీ, హర్షవర్ధన్.

కేంద్రమంత్రులుగా ప్రమాణం

కేంద్రమంత్రులుగా ప్రమాణం చేస్తున్న రాజ్‌నాథ్ సింగ్, సుష్మా స్వరాజ్, వెంకయ్య నాయుడు, డివి సదానంద గౌడ, ఉమా భారతి, నజ్మా హెప్తుల్లా, గోపీనాథ్ ముండే, రాంవిలాస్ పాశ్వాన్, కల్రాజ్ మిశ్రా.