దుస్తులు మార్చుకుంటుండగా వీడియో తీసిన డాక్టర్, ఫ్రెండ్స్‌కు షేర్

ముంబైలో ఓ వైద్యుడు దారుణానికి ఒడిగట్టాడు. ఓ సహ వైద్యురాలు దుస్తులు మార్చుకుంటుండగా దానిని వీడియో తీసి నెట్లో అప్ లోడ్ చేశాడు. దీంతో అతనిని జుహు పోలీసులు అరెస్టు చేశారు.

Updated: Thursday, June 15, 2017, 20:38 [IST]

ముంబై: ముంబైలో ఓ వైద్యుడు దారుణానికి ఒడిగట్టాడు. ఓ సహ వైద్యురాలు దుస్తులు మార్చుకుంటుండగా దానిని వీడియో తీసి నెట్లో అప్ లోడ్ చేశాడు. దీంతో అతనిని జుహు పోలీసులు అరెస్టు చేశారు.

29 ఏళ్ల నిందితుడు తోటి మహిళా వైద్యురాలు బట్టలు మార్చుకుంటే వీడియో తీశాడని, దానిని తన స్నేహితులందరికీ చేరవేశాడని పోలీసులు తెలిపారు.

వైద్యులు నివాసముండే క్వార్టర్స్‌లో ఈ సంఘటన జరిగింది. దుస్తులు మార్చుకుంటున్న వీడియోను మహిళా డాక్టర్‌ స్నేహితురాళ్లు ఆమెకు చూపించడంతో ఒక్కసారిగా షాక్‌కు గురయ్యారు.

తొలుత ఈ విషయాన్ని ఆమె స్నేహితురాళ్లు చెప్పినపుడు నమ్మలేదు. ఆ తర్వాత వీడియో చూసి ఆశ్చర్యపోవడం ఆమె వంతయింది. దీంతో వెంటనే ఆ వీడియో ఎక్కడి నుంచి వచ్చిందనే విషయంపై ఆరా తీశారు. చివరకు ఓ డాక్టర్‌ నుంచి వచ్చిందని తేలింది.

దీంతో ఆమె ముంబైలోని జుహూ పోలీస్‌స్టేషన్‌కు వెళ్లి ఈ ఘటనపై ఫిర్యాదు చేశారు. 354, 379, 66ఏ, 67ఏ సెక్షన్ల కింద నిందితుడిపై పోలీసులు కేసు నమోదు చేశారు. డాక్టర్‌ను అదుపులోకి తీసుకున్నారు. అయితే, తాను ఎలాంటి వీడియోలు తీయలేదని అతను చెబుతున్నాడు.