UP: ఇంటిపై పాకిస్థాన్ జెండా.. నిందితులను అరెస్ట్ చేసిన పోలీసులు..

నీ తల్లి మోసేది నవమాసాలేరా.. ఈ తల్లి మోయాలి కడవరకురా.. కట్టె కలేవరకురా.. అనే ఓ కవి చెప్పాడు. మనం ప్రశాంతంగా జీవిస్తున్నామంటే.. మన దేశమే.. ఈ రోజు మనం అనభవిస్తున్న ప్రతి ఒక్కటి దేశంతో సాధ్యమైంది. మన దేశాన్ని రక్షించడానికి సైనికులు మంచు కొండల్లో శ్రమిస్తున్నారు. మనం ఇక్కడ ప్రశాతంగా నిద్ర పోతున్నాం. కానీ కొందరు దేశద్రోహుల చేసే పనికి తలెత్తుకోలేకపోతున్నారు.

తాజాగా ఉత్తరప్రదేశ్‌లోని మొరాదాబాద్‌లో ఓ నివాసంలో పాకిస్థాన్ జెండాను ఎగురవేసిన ఘటన సంచలనం రేపింది. ఇంటిపై పాకిస్థాన్ జెండా ఎగురవేసిన వీడియో ఇంటర్నెట్‌లో వైరల్ కావడంతో పోలీసులు స్పందంచారు. పోలీసులు ఆ ఇంటి నుంచి పాకిస్థాన్ జెండాను తొలగించి దేశద్రోహ నేరం కింద తండ్రీకొడుకులిద్దరినీ అరెస్ట్ జైలుకు పంపారు. మురాదాబాద్‌లోని భగత్‌పూర్ పోలీస్ స్టేషన్ పరిధిలోని బుధన్‌పూర్ అలీగంజ్ గ్రామంలో ఈ ఘటన జరిగింది.

టెక్స్‌టైల్ వ్యాపారి రయీస్ ఇంటి వద్ద పాకిస్థాన్ జెండాను ప్రదర్శిస్తున్నట్లు పోలీసులకు సమాచారం వచ్చింది. సమాచారం అందుకున్న పోలీసులు వెంటనే ఘటనా స్థలానికి చేరుకుని చూడగా అతడి ఇంటి పైకప్పుపై పాకిస్థాన్ జెండా రెపరెపలాడుతూ కనిపించింది. సాక్ష్యాధారాల కోసం పోలీసులు ఫొటోలు, వీడియోలు తీశారు. ఆ తర్వాత జెండాను తీసి పడేశారు. నిందితులు రయీస్, అతని కుమారుడు సల్మాన్ ఇద్దరినీ అరెస్ట్ చేశారు.

నిందితులిద్దరిపై దేశద్రోహ నేరం కింద భారతీయ శిక్షాస్మృతి (ఐపీసీ) సెక్షన్ 153ఏ, 153బీ కింద కేసు నమోదు చేసినట్లు పోలీసులు తెలిపారు. నిందితులను పోలీసులతో పాటు, స్థానిక ఇంటెలిజెన్స్ యూనిట్ (ఎల్‌ఐయు) కూడా వారిని విచారిస్తోంది. నిందితులిద్దరినీ త్వరలోనే కోర్టులో హాజరుపరుస్తామని పోలీసులు తెలిపారు. ఇంటిపై పాకిస్థాన్ జెండాను ఎగురవేయడానికి గల కారణాలపై పోలీసులు వారిని విచారిస్తున్నారు.

English summary

The incident of hoisting the Pakistani flag in a residence in Moradabad, Uttar Pradesh has created a sensation. The police responded after a video of a Pakistani flag hoisted on a house went viral on the internet.