ఎన్నికల వేళ విజయ్ సమర్థతను తేల్చేసిన పవన్..!!
తమిళనాడు ఎన్నికలు ఆసక్తి కరంగా మారుతున్నాయి. తొలి సారి ఎన్నికల్లో పోటీ చేస్తున్న ప్రముఖ హీరో విజయ్ కు ఈ ఎన్నికలు ప్రతిష్ఠాత్మకంగా మారాయి. సర్వే నివేదికల ఆధారంగా విజయ్ తన వ్యూహాలను అమలు చేస్తున్నారు. రెండు నియోజకవర్గాల నుంచి బరిలో ఉన్నారు. ఈ సమయం లో విజయ్ పైన ఏపీ డిప్యూటీ సీఎం... ఎన్డీఏలో భాగస్వామిగా ఉన్న జనసేన అధినేత పవన్ కీలక వ్యాఖ్యలు చేసారు. పోలింగ్ సమీపిస్తున్న వేళ చేసిన ఈ వ్యాఖ్యలు సంచలనంగా మారాయి.
తమిళనాడు ఎన్నికల్లో ఇప్పుడు త్రిముఖ పోటీ నెలకొంది. ఎన్డీఏ- డీఎంకే కూటమి తో పాటుగా సినీ హీరో విజయ్ పార్టీ బరిలో నిలిచింది. సర్వేలు తమిళనాడు ఫలితాల పైన ఇప్పటికే పలు రిపోర్ట్ లు వెల్లడించాయి. విజయ్ పార్టీ ఎన్ని సీట్లు గెలుస్తారు.. ఎవరి ఓటింగ్ కు గండి కొడతారు.. తాను పోటీ చేసే రెండు స్థానాల్లో ఎలాంటి ఫలితాలు సాధిస్తారనే ఆసక్తిని పెంచుతోంది. 2019 ఎన్నికల్లో ఏపీ లో పవన్ సైతం రెండు నియోజకవర్గాల నుంచి పోటీ చేసారు. ఇప్పుడు విజయ్ సైతం పొత్తులు లేకుండా బరిలో దిగారు. ఇక.. ఎన్డీఏలో విజయ్ చేరిక కోసం చివరి వరకు ప్రయత్నాలు జరిగాయి. అయితే, విజయ్ సింగిల్ గా పోటీ చేసేందుకే నిర్ణయించారు. ఈ సమయంలోనే ఎన్డీఏ భాగస్వామ్య పార్టీ నేతగా ఉన్న పవన్ కల్యాణ్ ఇటీవల 'జనసేనాని విత్ జెన్జీ' పేరుతో నిర్వహించిన కార్యక్రమంలో విజయ్కు సలహా ఇస్తారా అని అడిగిన ప్రశ్నకు ఆసక్తి కర సమాధానం ఇచ్చారు.
విజయ్ సమర్ధుడు.. పెద్ద స్టార్
ఎన్నికలు సమీపిస్తున్న వేళ విజయ్ పైన పవన్ కీలక వ్యాఖ్యలు చేసారు. విజయ్ సమర్ధుడని, చాలా పెద్ద స్టార్ అని కొనియాడారు. అలాంటి వ్యక్తి ప్రజలకు సేవ చేయడం గొప్ప విషయమని వ్యాఖ్యానించారు. తాను ఎవరికీ సలహా ఇవ్వనని... తన పిల్లలక విషయంలో కూడా అంతేనని పవన్ తేల్చి చెప్పారు. ప్రతి ఒక్కరూ తమదైన మార్గంలో ముందుకు వెళ్లగలరని చెప్పుకొచ్చారు. ఇక విజయ్ విషయానికొస్తే ఆయన చాలా పెద్ద స్టార్... ప్రతి పౌరుడికి రాజకీయాల్లోకి రావడానికి, పార్టీ స్థాపించడానికి హక్కు ఉందన్నారు. విజయ్ ఏ పాత్రలో ఉన్నా ప్రజలకు సేవ చేయడం గొప్ప విషయమని తాను భావిస్తున్నానని పవన్ కల్యాణ్ తెలిపారు. పాలిటిక్స్లోకి రావాలంటే ఎలాంటి త్యాగాలు చేయాల్సి వస్తుంది? అని ఓ యువకుడు అడిగిన ప్రశ్నించాడు. అందుకు త్యాగాలు చేయకూడదు అని పవన్ కల్యాణ్ బదులిచ్చారు. రాజకీయాన్ని ఎప్పుడూ వ్యాపారం కోణంలో చూడకూడదని చెప్పారు. ప్రజలకు సేవ చేసే ఆలోచన ఉంటే ఎవరైనా రాజకీయాల్లోకి రావొచ్చని సలహా ఇచ్చారు. సరైన విధంగా వినియోగించుకుంటే సోషల్ మీడియా ఎంతో పవర్ఫుల్ అని ఓ ప్రశ్నకు సమాధానమిచ్చారు.
Click it and Unblock the Notifications
Sign in with Google