• search

ప్రియురాలి అలక: నగరమంతా ‘సారీ’ హోర్డింగ్స్ పెట్టాడు! షాకిచ్చిన పోలీసులు

By Garrapalli Rajashekhar
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
      ప్రియురాలి అలకతో నగరమంతా ‘సారీ’ హోర్డింగ్స్ పెట్టాడు!

      ముంబై: తన ప్రియురాలు అలిగిందని ఓ యువకుడు తీవ్రంగా మదనపడ్డాడు. ఆమెను ఎలాగైనా అలక వీడేలా చేసేందుకు ప్రయత్నాలు చేశాడు. ఏకంగా నగరం మొత్తం ఆమెకు 'సారీ' చెబుతూ ఫ్లెక్సీలను ఏర్పాటు చేశాడు. ఈ ఘటన మహారాష్ట్రలోని పుణెలో చోటు చేసుకుంది.

      ప్రియురాలి కోపాన్ని తగ్గించేందుకు..

      ప్రియురాలి కోపాన్ని తగ్గించేందుకు..

      ఆ వివరాల్లోకి వెళితే.. పుణెలోని పంప్రి చించ్వాడ్‌ ప్రాంతానికి చెందిన వ్యాపారవేత్త అయిన నీలేశ్‌ ఖేడేకర్‌ అనే వ్యక్తి... తన ప్రేయసితో స్వల్పంగా గొడవ కావడంతో ఆమె అలకబూనింది. ఆమె కోపాన్ని తగ్గించడానికి వినూత్నంగా సారీ చెప్పాలనుకున్నాడు.

      ..ఐ యామ్ సారీ అంటూ..

      ..ఐ యామ్ సారీ అంటూ..

      ఆమె వెళ్లే దారిలో, ఇతర రద్దీప్రాంతాల్లో ‘.. ఐ యామ్‌ సారీ' అంటూ పెద్ద పెద్ద బ్యానర్లు, ఫ్లెక్సీలు, హోర్డింగ్‌లు కట్టించాడు. గత శుక్రవారం నగరంలో అక్కడక్కడా బ్యానర్లు, హోర్డింగ్‌లను చూసి పోలీసులు షాకయ్యారు. అనుమతి లేకుండా ఈ హోర్డింగులు పెట్టడంతో పింప్రి చించ్వాడ్ మున్సిపల్ కార్పొరేషన్ కూడా అతనిపై చర్యలు తీసుకునేందుకు సిద్ధమైంది.

      షాకిచ్చిన పోలీసులు

      షాకిచ్చిన పోలీసులు

      ఈ క్రమంలో రంగంలోకి దిగిన పోలీసులు ఆ బ్యానర్లు కట్టించిన వ్యక్తి గురించి ఆరా తీయగా అతను నిలేశ్‌ అని తేలింది. అనుమతుల్లేకుండా అక్రమంగా ఇలా బ్యానర్లు కట్టించినందుకు గానూ అతనిపై పోలీసులు కేసు నమోదు చేశారు. ప్రియురాలికి సారీ ఏమో గానీ, నీలేశ్‌కు మాత్రం కేసు నమోదు చేసి భారీ షాకిచ్చారు.

      300లకుపైగా హోర్డింగుల ఏర్పాటు

      300లకుపైగా హోర్డింగుల ఏర్పాటు

      కాగా, తను ప్రేమించిన యువతి శుక్రవారం ముంబై నుంచి ఇక్కడికి వస్తున్న నేపథ్యంలోనే నీలేశ్ ఈ హోర్డింగులు ఏర్పాటు చేశారని పోలీసులు తెలిపారు. అతని స్నేహితుడి ద్వారా నీలేశ్ ఈ పని చేశాడని తెలుసుకున్నామని చెప్పారు. ఆ అమ్మాయి వచ్చే మార్గంలో సుమారు 300కుపైగా హోర్డింగులు ఏర్పాటు చేశారని తెలిపారు.

      English summary
      A man put up over 300 banners and hoardings in a plush locality of Maharashtra’s Pimpri Chinchwad area apparently to make up with his irlfriend after a tiff, but the antic has riled the police.

      Oneindia బ్రేకింగ్ న్యూస్
      రోజంతా తాజా వార్తలను పొందండి

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more