కాంగ్రెస్ ఔట్ డేటెడ్ ! ఉత్తరాది, దక్షిణాది విభజనకు ప్లాన్ ! మోడీ కామెంట్స్...

దేశంలో కాంగ్రెస్ పార్టీ చేస్తున్న రాజకీయాలపై ప్రధాని నరేంద్రమోడీ మరోసారి విమర్శలు గుప్పించారు. పార్లమెంట్ బడ్జెట్ సమావేశాల్లో భాగంగా రాజ్యసభలో ఇవాళ ప్రసంగించిన ప్రధాని మోడీ కాంగ్రెస్ పార్టీపై విరుచుకుపడ్డారు. కాంగ్రెస్ ఓ ఔట్ డేటెడ్ పార్టీ అంటూ మోడీ వ్యాఖ్యానించారు.

దక్షిణాది, ఉత్తరాది మధ్య విభజన తెస్తోందంటూ మోడీ విమర్శలు గుప్పించారు. తాజా ఎన్నికల్లో దక్షిణాది రాష్ట్రాలైన కర్నాటక, తెలంగాణలో కాంగ్రెస్ అధికారంలోకి పచ్చిన నేపథ్యంలో మోడీ వ్యాఖ్యలకు ప్రాధాన్యం ఏర్పడింది.

రాష్ట్రపతి ప్రసంగానికి ధన్యవాదాలు తెలిపే తీర్మానంపై రాజ్యసభలో జరుగుతున్న చర్చలో పాల్గొన్న ప్రధాని మోడీ కాంగ్రెస్ అధినేత మల్లిఖార్జున ఖర్గే టార్గెట్ గా పలు విమర్శలు గుప్పించారు. తాము మీ (ఖర్గే) ప్రతి మాటను చాలా ఓపికగా, వినయంతో వింటున్నామమని, కానీ ఈ రోజు కూడా మీరు వినకూడదని ప్రిపేర్ అయి వచ్చారని మోడీ విమర్శించారు. కానీ మీరు నా గొంతును అణచివేయలేరని, ఈ స్వరానికి దేశ ప్రజలు బలం చేకూర్చారని, అందుకే ఈసారి పూర్తిగా ప్రిపేర్ అయ్యానని మోడీ వ్యాఖ్యానించారు.

कांग्रेस पार्टी सोच से भी outdated हो गई है।

जब सोच ही outdated हो गई है, तो इन्होंने अपना कामकाज भी आउटसोर्स कर दिया है...

- पीएम श्री @narendramodi

पूरा वीडियो देखें: https://t.co/XmgzX1fkjm pic.twitter.com/czFPSuHfNU

— BJP (@BJP4India) February 7, 2024

బీజేపీకి ఈసారి 400 సీట్లు వచ్చేలా ఖర్గే ఆశీర్వదిస్తున్నారని, కాంగ్రెస్ పార్టీ 40 సీట్లు కాపాడుకుంటే చాలని ప్రధాని మోడీ తెలిపారు. పశ్చిమబెంగాల్లో మిత్రపక్షమే కాంగ్రెస్ 40 సీట్లకు పరిమితం అవుతుందని చెప్పేసిందని, అది నిజం కావాలని కోరుకుంటున్నట్లు మోడీ పేర్కొన్నారు. రాజ్యసభలో ఇద్దరు స్పెషల్ లీడర్లు లేకపోవడం వల్లే మల్లిఖార్జున ఖర్గేకు మాట్లాడేందుకు ఎక్కువ సమయం దొరుకుతుందని అజాద్, ఆనంద్ శర్మను ఉద్దేశించి మోడీ వ్యాఖ్యలు చేశారు.

English summary

pm modi today slammed congress party in rajya sabha for its divisive politics and creating north and south divide.