ఆ పోలీస్స్టేషన్ వెళ్లాలంటేనే భయపడుతున్న పోలీసులు: యాగాలు చేశారు
ఆగ్రా: ఉత్తరప్రదేశ్ రాష్ట్రంలోని ఆగ్రాలో ఖండోలి పోలీస్స్టేషన్కు ఓ ప్రత్యేక ఉంది. ఆ స్టేషన్కు పోస్టింగ్పై వచ్చిన ఎవరైనా సస్పెండ్ కావాల్సిందే. దీంతో అక్కడికి వెళ్లిన పోలీసులకు సస్పెన్షన్ ఆర్డర్ల భయం పట్టుకుంది.
గడచిన మూడు నెలలుగా అక్కడ పని చేసిన స్టేషన్ హౌజ్ ఆఫీసర్లు(ఎస్హెచ్ఓ), సబ్ ఇన్స్పెక్టర్లు, కానిస్టేబుళ్లలో అత్యధికులు సస్పెన్షన్ ఆర్డర్లు అందుకున్నవారే కావడం గమనార్హం. దీంతో అక్కిడికి వచ్చిన వారందరూ ఎప్పుడు సస్పెండ్ అవుతామోనని భయపడుతున్నారు.
దీనికి ఎలాగైన విరుగుడు కనిపెట్టాలని ఆ పోలీస్ స్టేషన్ అధికారులు, సిబ్బంది తలచారు. ఈ నేపథ్యంలో తమకు పై అధికారుల నుంచి సస్పెన్షన్ ఆర్డర్స్ రాకుండా ఉండాలంటూ పోలీసు అధికారులు యాగాలు చేశారు.
పోలీస్ స్టేషన్ ప్రాంగణంలోనే ఆ స్టేషన్ ఎస్హెచ్ఓ, ఎస్ఐ, కానిస్టేబుళ్లు యాగాలు నిర్వహించారు. యాగం ముగిసిన అనంతరం వారంతా ఆలయానికి వెళ్లి పూజలు చేశారు. సస్పెన్షన్ల బారి నుంచి తమను కాపాడమని ఆ భగవంతుడిని వేడుకున్నారు.