బ్యాంకులను బకరా చేసిన టాప్ టెన్ కంపెనీలు..

Published: Thursday, April 28, 2016, 11:55 [IST]

సామాన్యులెవరైనా ఒక లక్ష రూపాయల రుణాన్ని చెల్లించకపోతే నానా హంగామా చేసి ముక్కు పిండి మరీ వసూలు చేసే బ్యాంకులు.. ఏళ్ళ తరబడి వేల కోట్ల రుణాన్ని చెల్లించడంలో జాప్యం చేస్తూ చివరాఖరికి చేతులెత్తేసే బడాబాబుల పట్ల మాత్రం ఉదాసీన వైఖరిని ప్రదర్శిస్తుంటాయి. తాజాగా తెరపైకి వచ్చిన విజయ్ మాల్యాతో పాటు ఇదే కోవలో పయనిస్తున్న కంపెనీల జాబితా పెద్దదిగానే ఉంది.

విషయంపై ఆరా తీసిన సుప్రీంకోర్టు 500 కోట్లకు పైగా రుణాల్ని తీసుకుని ఎగవేతకు పాల్పడుతున్న వారి జాబితాను సమర్పించాల్సిందిగా ఆర్.బీ.ఐ ని ఆదేశించింది. సుప్రీం ఆదేశాల మేరకు ఆర్.బీ.ఐ ఆ వివరాలను అందించింది. అయితే ఇందుకు సంబంధించిన సమాచారాన్ని మాత్రం గోప్యంగా ఉంచాలని ఆర్.బీ.ఐ కోరడం గమనార్హం. కాగా.. "న్యూస్ లాండ్రీ" ద్వారా తాజాగా కొన్ని కంపెనీల పేర్లు బయటపడడం విశేషం. లాండ్రీ ద్వారా బయటపెట్టిన జాబితాలోని కంపెనీలన్నీ 1000 కోట్లకు పైగా ఎగవేతకు పాల్పడ్డవే. మొత్తంగా ఆయా కంపెనీలన్నీ ఎగవేపిన మొత్తం అక్షరాల రూ.5లక్షల కోట్లు.