పాముకు గుండెపోటు... సిపిఆర్ చేసిన కానిస్టేబుల్..

ఈ మ‌ధ్య‌కాలంలో గుండెపోటు వార్త‌లు త‌రుచుగా వింటున్నాం. గుండెపోటు వ‌స్తే సిపిఆర్ ఎలా చేయాల‌ని కూడా చాలామంది పోలీసులు అప్ప‌ట్లో చేసి చూపించారు. అయితే, మ‌ధ్య‌ప్ర‌దేశ్‌లోని ఓ ప్రాంతంలో పాముకు గుండెపోటు వ‌చ్చింది. దాంతో అక్క‌డే ఉన్న ఓ పోలీసు అధికారి దానికి సిపిఆర్ చేసి ప్రాణాలు కాపాడాడు. దీనికి సంబంధించిన వీడియో ఇప్పుడు సోష‌ల్‌మీడియాలో తెగ వైర‌ల్ అవుతోంది.

నోట్లోకి గాలి ఊదుతూ..
మధ్యప్రదేశ్‌లోని నర్మదాపురం జిల్లాలోని సేమరి హరిచంద్ పోలీస్ పోస్ట్‌ పరిధిలో జ‌రిగిన ఓ సంఘ‌ట‌న ఇప్పుడు నెట్టింట వైర‌ల్‌గా మారుతోంది. స్థానికంగా ఉన్న ఓ ఇంటి వద్దకు ఇటీవల ఓ పాము వచ్చింది. దీంతో భయపడిపోయిన గ్రామ‌స్థులు పాముకు పక్కకు పంపించేందుకు విశ్వప్ర‌య‌త్నాలు చేశారు. అయితే ఆ నేప‌థ్యంలో ఆ పాము ఓ పైపులోకి దూరిపోయింది. ఆ పామును చంపేందుకు అక్క‌డివారు పురుగుల మందును పైపులోకి వేశారు.

ఈ మందు తాగిన‌ పాము అపస్మారక స్థితిలోకి వెళ్లింది. అయితే, విష‌యం తెలుసుకున్న హ‌రిచంద్ పోలిస్ స్టేష‌న్ కానిస్టేబుల్ అతుల్ శర్మ అక్క‌డికి వ‌చ్చాడు. ఆ పామును పరిశీలించి, దాన్ని పక్కకు తీసుకెళ్లి నీళ్లు పోసి శుభ్రం చేయ‌డం జ‌రిగింది. తర్వాత పామును బతికించేందుకు సిపిఆర్ చేశాడు. చాలా సార్లు పాము నోట్లోకి గాలి ఊదుతూ సిపిఆర్ చేయ‌డం మొద‌లుపెట్టాడు. దీంతో కాసేపటికే పాము స్పృహలోకి వచ్చిది. తర్వాత ఆ పామును అటవీ ప్రాంతంలో వదిలేశాడు.

15 ఏళ్లలో తాను 500 పాములను ర‌క్షించాడు..
అయితే, ఈ సంద‌ర్భంగా అతుల్ శ‌ర్మ మాట్లాడుతూ.. ప‌న్నెండో త‌ర‌గ‌తి నుంచే పాములను కాపాడి అటవీ ప్రాంతాల్లో వదిలేవాడినని చెప్పాడు. గత 15 ఏళ్లలో తాను 500 పాములను రక్షించినట్లు శర్మ పేర్కొన్నారు. డిస్కవరీ ఛానెల్‌ని ఎక్కువగా చూసి, ఇలాంటివి అనుసరిస్తున్నానని శ‌ర్మ చెప్పుకొచ్చాడు.

A police constable in Madhya Pradesh is giving CPR to a snake that had fallen unconscious after being exposed to pesticide-laced water. The constable, Atul Sharma, used mouth-to-mouth resuscitation to revive the snake, which was later released safely.#Viral #Snake #CPR pic.twitter.com/2uwV957jTf

— AH Siddiqui (@anwar0262) October 26, 2023

పాములు కనిపిస్తే చంపకుండా తనకు గానీ, స్నేక్ క్యాచర్లకు గానీ సమాచారం అందించాలని గ్రామ‌స్థుల‌కు సూచించాడు. ప్ర‌స్తుతం ఈ ఘటనకు సంబంధించిన వీడియోలు, ఫోటోలు సోషల్ మీడియాలో తెగ వైరల్ అవుతున్నాయి. ఈ వీడియో చూసిన నెటిజన్లు కానిస్టేబుల్‌ను అభినందిస్తూ కామెంట్లు కూడా చేస్తున్నారు. ఇంకా ఈ పోలీస్ చేస్తున్న ప‌నికి చాలామంది నెటిజ‌న్లు సెల్యూట్ సార్ అని కూడా అంటున్నారు.

English summary

In recent times we have been hearing news of heart attack. In many cases, the police also instructed how to perform CPR in case of heart attack. However, a recent video of a constable giving CPR to a snake has gone viral on social media,