తలాక్.. తలాక్.. తలాక్.. పొగాకు తెచ్చిన తంటా

లక్నో : వారి పచ్చని సంసారంలో పొగాకు చిచ్చుపెట్టింది. పొగాకు పడని భర్తకు .. భార్య వాడటంతో కోపమొచ్చింది. అతనిపై కట్నం ఆరోపణలు చేసింది భార్య. దీంతో వారిద్దరూ సంసారం పోలీసు స్టేషన్‌కు చేరింది. విచారణ చేపట్టిన పోలీసులు విడిపోయేందుకు భర్త సిద్ధమయ్యాడనే అంశాన్ని తేల్చారు. కానీ కట్నం ఆరోపణలను తోసిపుచ్చారు.

లక్నోలోని మసౌలీ పోలీసు స్టేషన్ పరిధిలో మహ్మద్ వైస్, అతని భార్య హసిన్ బానో ఉంటున్నారు. వీరి కాపురం సజావుగానే సాగుతుంది. అయితే ఇటీవల భర్తకు కట్నం పిచ్చి పట్టుకుందని భార్య చెబుతోంది. బైక్, కట్నం తేవాలని వేధిస్తున్నాడని తెలిపింది. ఆమె పొగాకు అలవాటు బజారుకీడ్చింది. పొగాకు అంటే పడని భర్త చివరకు ఆమెతో విడిపోయేందుకు సిద్ధమయ్యాడు.

ఇక తనతో ఉండలేనని తనకున్న బ్రహ్మస్త్రం తలాక్ ప్రయోగించాడు మహ్మద్. పొగాకు అంటే తనకు పడదని, అయినా పొగాకు పళ్లు తోముకుంటుందని వింత కారణం చెప్పి తలాక్ తలాక్ తలాక్ అని చెప్పేశాడు. దీంతో అతని భార్య విస్తుపోయింది. తనకు జరిగిన అన్యాయంపై పోలీసు స్టేషన్‌లో ఫిర్యాదు చేశారు. తనకు న్యాయం చేయాలని వేడుకున్నారు. అంతేకాదు కట్నం గురించి వేధిస్తున్నారని వాపోయారు. దీనిపై మహ్మద్‌ను మీడియా ప్రతినిధులు వివరణ అడిగితే .. తన భార్య పొగాకుకు బానిసైందని చెప్పారు. అంతేకాదు తాను మార్కెట్ నుంచి పొగాకు తేకుంటే తన పని అంతేనని పేర్కొన్నారు. ఆమె వేధింపులు భరించలేనని వివరించారు. అయితే అదనపు కట్నం, బైక్ ఆరోపణలు సత్యదూరమని, అదేం లేదని పేర్కొన్నారు. భర్త తలాక్ చెప్పంది నిజమేనని తెలిపారు పోలీసులు. కానీ అదనపు కట్నం అనేది ఆరోపణలేనని చెప్పారు.

English summary

Mohammed and his wife, Hasin Bano, are staying at Masouli police station in Lucknow. Their campsite goes smoothly. However, the wife says that she recently got mad at her husband. Bike, dowry harassment, said. Her tobacco habit was boring. Her husband, who is allergic to tobacco, is finally ready to break up with her.