కుప్పకూలిన విమానం: మహిళా ట్రైనీ పైలట్, శిక్షకుడు మృతి

భోపాల్: మధ్యప్రదేశ్ రాష్ట్రంలోని బాలాఘాట్ ప్రాంతంలో విమాన ప్రమాదం చోటు చేసుకుంది. ఓ చార్టర్డ్ విమానం కుప్పకూలడంతో అందులోని ఓ మహిళా పైలట్ తోపాటు శిక్షకుడు మరణించారు. ఈ ప్రమాదం శనివారం మధ్యాహ్నం చోటు చేసుకుందని పోలీసులు తెలిపారు.

బాలాఘాట్‌లోని కిర్నాపూర్ హిల్స్‌లోని భక్కు తోలా గ్రామంలో విమానం కూలిపోయినట్లు పోలీసులు తెలిపారు. ప్రమాద స్థలానికి చేరుకున్న పోలీసులు ఇద్దరి మృతదేహాలను వెలికితీశారు. వీరిలో ఒక ట్రైనీ మహిళా పైలట్ రుక్షాంక, విమానం శిక్షకుడు మోహిత్ కుమార్‌లుగా గుర్తించామని బాలాఘాట్ సూపరింటెండెంట్ ఆఫ్ పోలీస్ (ఎస్పీ) సమీర్ సౌరభ్ తెలిపారు.

ప్రాథమిక సమాచారం ప్రకారం.. మహారాష్ట్రలోని గోండియా జిల్లాలోని బిర్సీ విమానాశ్రయం నుంచి శనివారం మధ్యాహ్నం ఈ విమానం బయలుదేరింది.బిర్సీ ఎయిర్‌స్ట్రిప్ కంట్రోలర్ కమలేష్ మెష్రామ్ సంఘటనను ధృవీకరిస్తూ.. వారి చివరి ప్రదేశం బాలాఘాట్‌లోని కిర్నాపూర్‌లో మధ్యాహ్నం 3.45 గంటలకు గుర్తించినట్లు పేర్కొన్నారు.

Ohh My God..!

Plane Crash in MP's Balaghat
Trainee Pilot and Captain (instructor) no More in the Crash

Crash happened in Bhakkutola forest of Kirnapur police station area in Balaghat MP.

Trainee Pilot Rukshanka and instructor Mohit no more in the crash

More info awaited pic.twitter.com/KmWObE1W7b

— Govind Gurjar (@Gurjarrrrr) March 18, 2023

'ప్రమాదానికి కారణం ఇంకా తెలియలేదు, అయితే శనివారం బాలాఘాట్‌లో వడగళ్ళు తుఫాను సంభవించినందున ప్రతికూల వాతావరణం కారణంగా ప్రమాదం జరిగి ఉండవచ్చు' అని సదరు అధికారి తెలిపారు.

English summary

Trainee female pilot, instructor killed in plane crash in Balaghat, Madhya pradesh.