లేడీ జర్నలిస్ట్‌తో అసభ్యంగా: ఉబేర్ క్యాబ్ డ్రైవర్ అరెస్టు

కోల్‌కతా: ఉబేర్ సంస్థ మరో వివాదంలో చిక్కుకుంది. ఓ ఆంగ్ల దినపత్రికలో పనిచేస్తున్న మహిళా జర్నలిస్టు పట్ల అసభ్యంగా ప్రవర్తించాడనే ఆరోపణపై పోలీసులు ఉబేర్ క్యాబ్ డ్రైవర్‌ను అరెస్టు చేశారు. బుధవారంనాడు అతన్ని కోల్‌కతా పోలీసులు అదుపులోకి తీసుకున్నారు.

మంగళవారం రాత్రి సంఘటన జరిగింది. కామాక్ స్ట్రీట్ నుంచి సర్వే నగరంలోని దక్షిణ ప్రాంతంలో గల సర్వే పార్క్‌లో ఉన్న తన నివాసానికి వెళ్లడానికి మహిళా జర్నలిస్టు క్యాబ్ మాట్లాడుకుంది. ప్రయాణంలో డ్రైవర్ మొహమ్మద్ ఖుర్బాన్ మహిళ పట్ల అసభ్యంగా ప్రవర్తించాడనే ఆరోపణలు వచ్చాయి.

ఫిర్యాదు మేరకు అతను మహిళ శరీరాన్ని గానీ భౌతికపరమైన అసభ్యతకు గానీ పాల్పడలేదు. అయితే, ఆమెతో అతను అసభ్యంగా మాట్లాడాడని, దూషించాడని మాత్రం ఆరోపణలు ఉన్నాయి.

మహిళ ఫిర్యాదు మేరకు డ్రైవర్‌ను పోలీసులు అరెస్టు చేశారు. అతనిపై కేసు నమోదు చేసి దర్యాప్తు చేస్తున్నారు. గతంలో కూడా ఉబేర్ క్యాబ్ డ్రైవర్లపై ఆరోపణలు వచ్చాయి.

English summary

An Uber cab driver was arrested for allegedly "misbehaving" with a woman passenger in the city, police said on Wednesday.