వెర్సే ఇన్నోవేషన్‌లో కీలక నియామకం:CPTOగా ప్రసన్న ప్రసాద్ నియామకం..!!

బెంగళూరు: భారతదేశపు అగ్రగామి AI ఆధారిత లోకల్ లాంగ్వేజ్ టెక్నాలజీ ప్లాట్‌ఫామ్ 'వెర్సే ఇన్నోవేషన్' తన ప్రయాణంలో మరో కీలక అడుగు వేసింది.సంస్థ యొక్క ఇంజనీరింగ్, ప్రొడక్ట్, డేటా సైన్స్ విభాగాలను నడిపించేందుకు ప్రసన్న ప్రసాద్‌ను చీఫ్ ప్రొడక్ట్ అండ్ టెక్నాలజీ ఆఫీసర్ (CPTO)గా నియమించింది.

AI రంగంలో సరికొత్త విప్లవం..

డైలీహంట్ (Dailyhunt), జోష్ (Josh), వన్ ఇండియా (Oneindia), నెక్స్‌వెర్స్.AI (NexVerse.ai) వంటి ప్లాట్‌ఫామ్‌లలో ఆర్టిఫిషియల్ ఇంటెలిజెన్స్ (AI) ఆధారిత మార్పులను వేగవంతం చేయడం ప్రసన్న ప్రసాద్ ప్రధాన బాధ్యత. ముఖ్యంగా కంటెంట్ క్రియేటర్లకు మరిన్ని సదుపాయాలు కల్పించడం, డిజిటల్ అడ్వర్టైజింగ్ రంగంలో వినూత్న మార్పులు తీసుకురావడంపై ఆయన దృష్టి సారించనున్నారు.

రెండు దశాబ్దాల అనుభవం..

ప్రసన్న ప్రసాద్‌కు ప్రొడక్ట్ ఇంజనీరింగ్,డేటా సైన్స్‌లో 20 ఏళ్లకు పైగా అనుభవం ఉంది. గతంలో ఆయన 'వెర్వ్ గ్రూప్' (Verve Group Inc)లో సీటీఓగా పనిచేశారు.అమెరికా,భారత్,యూరప్ దేశాల్లోని అంతర్జాతీయ బృందాలను నడిపించిన ట్రాక్ రికార్డ్ ఆయనకు ఉంది.క్లౌడ్-నేటివ్ ఇన్‌ఫ్రాస్ట్రక్చర్ మరియు AI ఆధారిత సిస్టమ్స్ నిర్మించడంలో ఆయన నిష్ణాతులు.

సంస్థ వ్యవస్థాపకుల ధీమా..

వెర్సే ఇన్నోవేషన్ కో-ఫౌండర్ ఉమంగ్ బేడీ మాట్లాడుతూ"ప్రస్తుత డిజిటల్ యుగంలో ప్లాట్‌ఫామ్‌లను నిర్మించడానికి,విస్తరించడానికి AI చాలా కీలకం.ప్రసన్న ప్రసాద్ నాయకత్వంలో మా AI సామర్థ్యాలు మరింత బలోపేతం అవుతాయని,అడ్వర్టైజర్లు,యూజర్లకు మెరుగైన ఫలితాలను అందిస్తామని నమ్ముతున్నాం" అని పేర్కొన్నారు.

ప్రసన్న ప్రసాద్ స్పందన..

తన నియామకంపై ప్రసన్న ప్రసాద్ స్పందిస్తూ.. "టెక్నాలజీ అనేది కేవలం ఒక సాధనం మాత్రమే కాదు,అది ఒక ప్రత్యేక గుర్తింపును ఇవ్వాలి.వెర్సే ఇన్నోవేషన్ వృద్ధిలో భాగం కావడం,కంటెంట్ మరియు మానిటైజేషన్ రంగాల్లో AI ద్వారా కొత్త ఒరవడిని సృష్టించడం పట్ల నేను ఎంతో ఉత్సాహంగా ఉన్నాను" అని తెలిపారు.

వెర్సే ఇన్నోవేషన్ గురించి:
సాంకేతికత ద్వారా డిజిటల్ అంతరాలను తొలగించాలనే లక్ష్యంతో వెర్సే పనిచేస్తోంది.గూగుల్,మైక్రోసాఫ్ట్,సెకోయా క్యాపిటల్ వంటి దిగ్గజ సంస్థల పెట్టుబడులతో,స్థానిక భాషా సాంకేతిక రంగంలో భారతదేశపు మొట్టమొదటి యూనికార్న్‌గా ఈ సంస్థ గుర్తింపు పొందింది.

English summary

VerSe Innovation appoints Prasanna Prasad as CPTO to lead AI, product and data science, boosting platforms like Dailyhunt, Josh and NexVerse.ai.