VIRAL VIDEO : ఈ ఫైట్ ముందు WWE ఫైట్ కూడా జుజుబీ అనాల్సిందే !!

తమిళనాడులోని నీలగిరి జిల్లా పచ్చని అడవులు, విభిన్న జీవవైవిధ్యానికి ప్రసిద్ధి. సాధారణంగా ఈ ప్రాంతంలో ఏనుగులు, పులులు, బైసన్‌లు కనిపించడం సాధారణమే. కానీ రీసెంట్ గా జరిగిన ఓ సంఘటన పర్యాటకులను ఎంతో ఆశ్చర్యానికి గురి చేసింది. కోటగిరి - మెట్టుపాలయం కొండ రోడ్డుపై రెండు భారీ ఉడుములు రోడ్డు మధ్యలో నిలబడి ఏకధాటిగా అలుపెరగని పోరాటం చేసుకున్నాయి. ఏఏ ఘటనను పలువురు వీడియో తీసి సోషల్ మీడియాలో పోస్ట్ చేయడంతో ఫుల్ వైరల్ గా మారింది.

కాగా ఈ జంతువుల ఫైట్ తో ఆ మార్గంలో ప్రయాణిస్తున్న వాహనాలు ఒక్కసారిగా ఆగిపోయాయి. రోడ్డు మధ్యలో రెండు పెద్ద ఉడుములు ఒకదానిపై ఒకటి దూకుతూ, గట్టిగా పట్టుకుని, నేల మీద రోలింగ్ అవుతూ ఫైట్ చేసుకోవడం మరింత హాట్ టాపిక్ గా మార్చాయి. పోరాటం తీవ్రంగా సాగడంతో కొన్ని నిమిషాల పాటు వాహనాలు కదల్లేకపోయాయి. డ్రైవర్లు, పర్యాటకులు మొదట భయపడి, తర్వాత ఇంత దగ్గరగా ఉడుముల ఫైట్ చూడటం అరుదని ఫోన్ తీసి వీడియోలు తీశారు.

ఇక ఈ మధ్యకాలంలో ఆ మార్గంలో వన్యప్రాణులు తరచుగా కనిపిస్తున్నాయని అటవీశాఖ అధికారులు తెలిపారు. ముఖ్యంగా వేసవి, మంచుకాలాల్లో జంతువులు వేడి కోసం, ఆహారం కోసం రోడ్డువైపు వస్తున్నట్లు పేర్కొన్నారు. ఈ మేరకు అధికారులు ప్రజలకు పలు జాగ్రత్తలు సూచించారు. జంతువులు రోడ్డుపై కనిపిస్తే హార్న్ మోగించొద్దని తెలిపారు. వాటిని భయపెట్టేలా వాహనం వేగంగా నడపకండని.. జంతువులకు దూరం పాటించండి, ఫోటోలు/వీడియోలు తీయాలన్నా భద్రత దృష్టిలో ఉంచుకోవాలని కోరారు.

వన్యప్రాణి నిపుణుల ప్రకారం, ఉడుముల మధ్య ఇలా పోరాడటం చాలా సహజం అని చెబుతున్నారు. ఇవి తమ ప్రాంతం పైన ఆధిపత్యం కోసం, ఆహారం కోసం లేదా జంట కోసం ఇలా యుద్ధం చేస్తాయన్నారు. మనుషుల దృష్టిలో ఇది అసాధారణంగా కనిపించినప్పటికీ, ప్రకృతిలో ఇది సహజ జీవ చక్రం అని నిపుణులు వెల్లడించారు.

మరోవైపు ఈ కొండ రోడ్డుల్లో ఎప్పుడూ అప్రమత్తత అవసరమని సూచిస్తున్నారు. కోటగిరి-మెట్టుపాలయం మార్గం తమిళనాడులో అత్యంత అందమైన కానీ వన్యప్రాణుల కదలికలు ఎక్కువగా ఉన్న రూట్. అందుకే ఈ మార్గంలో ప్రయాణించే డ్రైవర్లు ఎప్పుడూ జాగ్రత్తగా ఉండాలని స్పష్టం చేస్తున్నారు.

నీలగిరి జిల్లాలో ఘనమైన అడవులు ఉండటం వల్ల ఏనుగులు, పులులతో పాటు ఉడుములు కూడా తరచుగా కనిపిస్తాయి. ఈ ఉదయం కోటగిరి–మెట్టుపాలయం కొండ రోడ్డుపైన రెండు ఉడుములు రోడ్డుమధ్యలో ఒకదానితో ఒకటి గట్టిగా పోరాడాయి. “నేనే గ్రేట్” అన్నట్టుగా వాటి తగాదా చూసి అక్కడి టూరిస్టులు, డ్రైవర్లు ఆశ్చర్యపోయి… pic.twitter.com/bqXgNkcgYv

— oneindiatelugu (@oneindiatelugu) November 15, 2025

English summary

The Nilgiri district of Tamil Nadu is known for its lush forests and diverse biodiversity. Elephants, tigers, and bison are usually seen in the area. But a recent incident has left tourists in awe.