Video: బుక్ డెలివరీ కోసం ఫోన్ నెంబర్ అడిగిన ముస్లిం యువకుడిపై మహిళల దాడి
భోపాల్: మధ్యప్రదేశ్ రాష్ట్రంలోని ఉజ్జయిని పుస్తక ఉత్సవంలో ముస్లిం విక్రేతపై దాడి జరిగింది. డోర్ డెలివరీ కోసం వారి కాంటాక్ట్ నంబర్ను అడిగినందుకు ముస్లిం పుస్తక విక్రేతపై హిందూ మహిళల బృందం దాడి చేసింది. అతడిని చెంపదెబ్బ కొట్టిన వీడియో సోషల్ మీడియాలో వైరల్గా మారింది. ముస్లిం వర్గానికి చెందిన పలువురు జర్నలిస్టులు ఈ వీడియోను ఎక్స్ (ట్విట్టర్)లో షేర్ చేశారు.
స్థానిక మీడియా సమాచారం ప్రకారం.. వకార్ సలీమ్ అనే బాధితుడు ఫెస్ట్లో బుక్ స్టాల్ను ఏర్పాటు చేశాడు. మహిళల బృందం బుక్ డెలివరీ గురించి అడిగి తెలుసుకున్నారు. ఆ తరువాత, అతను హోమ్ డెలివరీని సమన్వయం చేయడానికి వారి కాంటాక్ట్ నంబర్ను అడిగాడు. దీంతో మహిళలు వేధింపులుగా భావించి అతడ్ని కొట్టడం ప్రారంభించారు.
బాధితుడు వకార్ సలీమ్ పరిస్థితులను వివరిస్తూ ఒక వీడియో కూడా విడుదల చేశాడు. సలీమ్ తన ప్రచురణ ప్రధాన కార్యాలయం గురుదాస్పూర్లో ఉందని, అతను పుస్తక ప్రదర్శన కోసం గ్వాలియర్ నుంచి ఉజ్జయిని వరకు ప్రయాణించానని పేర్కొన్నాడు.
Waqar Saleem, set up a book stall in Ujjain Book Festival in #MadhyaPradesh, was beaten up by women of Hindu organization when he asked for their number in order to deliver books they asked for.
— Shameela (@shaikhshameela) September 4, 2023
Harassing & intimidating Muslims is major election strategy in MP
Via… pic.twitter.com/0GJmJEL447
గొడవకు దిగిన దుర్గావాహిని గ్రూపులోని ఒక మహిళ.. చెడు ఉద్దేశ్యంతోనే వకార్ సలీం తన నంబర్ అడిగాడని ఆరోపించింది. ఈ క్రమంలోనే దాడి చేసినట్లు చెప్పుకొచ్చింది. అయితే, ఈ ఘటనకు సంబంధించిన వీడియో వైరల్ కావడంతో దాడికి పాల్పడినవారిపై చర్యలు తీసుకోవాలని నెటిజన్లు కోరుతున్నారు. బుక్ డెలివరీ కోసం ఫోన్ నెంబర్ అడిగితే ఇలా దాడికి పాల్పడటం సరికాదని వ్యాఖ్యానిస్తున్నారు.
Here is one more video of the incident. The victim said that the head office of his publication is in Gurdaspur. He has come to Ujjain from Gwalior. One woman from Durga Wahini who beat him up is accusing him of taking her number. pic.twitter.com/XyZ73Tuikr
— Waquar Hasan (@WaqarHasan1231) September 4, 2023
Click it and Unblock the Notifications
Sign in with Google