గ్రాండ్ ప్రీ 50 కేజీల విభాగంలో వినేశ్ ఫోగట్‌కు స్వర్ణం

మ్యాడ్రిడ్‌లో శనివారం జరిగిన గ్రాండ్‌ప్రీ ఆఫ్ స్పెయిన్‌లో మహిళల 50 కేజీల విభాగంలో వినేష్ ఫోగట్ స్వర్ణ పతకాన్ని గెలుచుకుంది. రెండుసార్లు ప్రపంచ ఛాంపియన్‌షిప్ కాంస్య పతక విజేత, ఇప్పుడు ఇండివిజువల్ న్యూట్రల్ అథ్లెట్‌గా పోటీపడుతున్న రష్యా మాజీ రెజ్లర్ మరియా టియుమెరెకోవాను ఫైనల్‌లో 10-5తో ఓడించి స్వర్ణం కైవసం చేసుకుంది.

వినేష్ ఫైనల్‌కు దూసుకెళ్లేందుకు పెద్దగా కష్టపడకుండా మూడు బౌట్‌లను గెలుచుకుంది. 29 ఏళ్ల మాజీ ఆసియా గేమ్స్ స్వర్ణ పతక విజేత క్యూబాకు చెందిన పాన్ అమెరికన్ ఛాంపియన్ యుస్నీలిస్ గుజ్మాన్‌ను 12-4 పాయింట్లతో ఓడించింది.

2022లో బర్మింగ్‌హామ్‌లో జరిగిన కామన్వెల్త్ గేమ్స్‌లో రజత పతక విజేత కెనడాకు చెందిన మాడిసన్ పార్క్స్‌పై క్వార్టర్ ఫైనల్స్‌లో ఆమె పతనం ద్వారా విజయం నమోదు చేసింది వినేష్ ఫోగట్. సెమీఫైనల్లో వినేశ్ 9-4 పాయింట్ల తేడాతో కెనడాకు చెందిన కేటీ డచ్చక్‌పై గెలిచింది. స్పెయిన్‌లో శిక్షణతో కూడిన పోటీ తర్వాత, వినేష్ పారిస్ క్రీడలకు సన్నాహకంగా 20 రోజుల శిక్షణ కోసం ఫ్రాన్స్‌కు వెళ్లనున్నారు.

కాగా, జూలై 3న, వినేష్ ఫోగాట్ ఆమెకు వీసా రాలేదని Xలో పోస్ట్ చేసిన తర్వాత ప్రభుత్వం సహాయంతో ఆమె స్కెంజెన్ వీసా పొందింది. తన వీసాకు సంబంధించిన సమాచారం లేనందున ఆమె మొదట్లో క్రీడా మంత్రి మన్సుఖ్ మాండవియా, విదేశీ వ్యవహారాల మంత్రిత్వ శాఖ నుంచి "అత్యవసర సహాయం" కోరింది. దీంతో స్పందించిన కేంద్రం.. ఆమెకు వెంటనే వీసా వచ్చే విధంగా చర్యలు చేపట్టింది. దీంతో ప్రభుత్వానికి ఆమె కృతజ్ఞతలు తెలిపారు.

English summary

Vinesh Phogat wins gold in Spanish Grand Prix 50 kg category.