Viral Video: వర్షాకాలం జాగ్రత్త.. షూలో దూరిన పాము.. వైరల్ అవుతోన్న వీడియో..

Published: Tuesday, July 12, 2022, 8:22 [IST]

వర్షాకాలం కావడంతో పాములు ఎక్కువ బయటకు వస్తున్నాయి. దీంతో పాములను చూసి జనాలు భయపడిపోతున్నారు. తాజాగా ఇటీవల ఒక పాము ఓ ఇంట్లో ఉన్న షూ దూరింది. షూలో దూరిన నాగు పామును బయటకు తీశారు. ప్రస్తుతం ఈ వీడియో సోషల్ మీడియాలో వైరల్ అవుతోంది. ఈ వీడియోను ఇండియన్ ఫారెస్ట్ సర్వీస్ (IFS) అధికారి సుశాంత నంద ట్విట్టర్‌లో పోస్ట్ చేశారు. క్యాప్షన్‌లో వర్షాకాలంలో పలు ప్రదేశాలలో పాములు కనిపిస్తాయి కాబట్టి ప్రజలు జాగ్రత్తగా ఉండాలని హెచ్చరించారు."జాగ్రత్త. శిక్షణ పొందిన సిబ్బంది సహాయం తీసుకోండి" అని సూచించారు.

పాములతో జాగ్రత్త

వీడియోలో పామును పట్టుకోవడానికి ఒక మహిళ రాడ్‌ను షూ లోపలకి నెట్టడం చూడవచ్చు. ఆమె షూ లోపల ఇనుప రాడ్‌ను ఉంచగా, పాము షూ నుంచి బయటకు వచ్చి మహిళపై దాడి చేయడానికి ప్రయత్నిస్తుంది. అయితే, ఆమె పామును ముందు జాగ్రత్తతో హండిల్ చేస్తుంది. ఈ వీడియోకు 101,000 కంటే ఎక్కువ వ్యూస్, 3,400 కంటే ఎక్కువ లైక్‌లు వచ్చాయి.

షూ వేసుకునే ముందు..

అందుకే షూ ధరించే ముందు దుమ్ము దులపడం ఎందుకు అవసరమో శిక్షణ పొందిన సిబ్బంది వివరిస్తున్నారు. ముఖ్యంగా వర్షాకాలంలో అప్రమత్తంగా జాగ్రత్తగా ఉండటం చాలా ముఖ్యం అని ఆమె తెలిపారు. ఈ వీడియోపై కామెంట్ సెక్షన్‌లలో, కొంతమంది ఇంటర్నెట్ వినియోగదారులు వీడియోను "భయంకరమైనది" అని పిలుస్తుండగా, మరికొందరు సమాచారాన్ని పంచుకున్నందుకు IFS అధికారికి కృతజ్ఞతలు తెలిపారు.

పాము కాటు

ఇదిలావుండగా, గత నెలలో కేరళలోని తన పాఠశాలలో నాలుగో తరగతి విద్యార్థిని విషపూరిత పాము కాటుకు గురైన విషయం తెలిసిందే. బాలుడిని తన తరగతి గదికి 200 మీటర్ల దూరంలో పాము కరిచింది. వెంటనే చిన్నారిని ఆస్పత్రికి తరలించారు. ఆయన ఆరోగ్య పరిస్థితి నిలకడగా ఉందని, ప్రాణాపాయం లేదని తెలిసింది.

Published On July 12, 2022