చైన్ స్నాచర్‌ను లాగిపడేసిన మహిళ: చితక్కొట్టారు, ‘బ్రేవో’ అంటూ నెటిజన్లు(వీడియో)

న్యూఢిల్లీ: దేశంలోని నగరాల్లో ఇటీవలి కాలంలో తరచూ చైన్ స్నాచింగ్‌లు జరుగుతున్న విషయం తెలిసిందే. తాజాగా, దేశ రాజధాని నగరంలో ఓ చైన్ స్నాచర్ ఓ మహిళ మెండలోంచి బంగారు గొలుసును తెంచి పారిపోయేందుకు ప్రయత్నించాడు. అయితే, ఆమె అతడ్ని గట్టిపట్టుకుని కిందపడేసింది. అక్కడేవున్న జనాలు అతడ్ని పట్టుకుని చితకబాదారు.

ఆగస్టు 30న జరిగిన ఈ ఘటన సీసీ కెమెరాల్లో రికార్డవడంతో తాజాగా వెలుగులోకి వచ్చింది. ఢిల్లీలోని నగ్లోయి ప్రాంతంలో ఈ ఘటన చోటు చేసుకుంది. సీసీ టీవీలో రికార్డైన వీడియో ప్రకారం.. మరో బాలికతో కలిసి రిక్షాలో ప్రయాణిస్తున్న సదరు మహిళ.. నగ్లోయి వీధిలో దిగింది. ఆ తర్వాత గమ్యస్థానం వైపు వెళుతుండగా.. ద్విచక్ర వాహనంపై వచ్చిన ఓ గొలుసు దొంగ ఆమె మెడలోంచి బంగారు గొలుసు లాగేశాడు.

అయితే, వెంటనే అప్రమత్తమైన సదరు మహిళ.. చైన్ స్నాచర్‌ను పట్టుకుని బైక్‌పై నుంచి లాగేసి కిందపడేసింది. దీంతో అక్కడున్న వారంతా కలిసి ఆ దొంగను చితకబాదారు. ఆమె కూడా చెడామడా వాయించింది.

Delhi Nangloi :

This made my day, what a courageous lady she was, didn't allow to flew away, caught him, pulled down form the Bike & rest job as usual carried by spare people standing on the street.

Zor daar haath safai😂😂 pic.twitter.com/0GcRM1tpFe

— Piyush Singh (@PiyushSingh83) September 3, 2019

ఆ తర్వాత తన గొలుసు తీసుకున్న సదరు మహిళ అక్కడ్నుంచి వెళ్లిపోయింది. ఈ ఘటనకు సంబంధించిన వీడియోను సోషల్ మీడియాలో పోస్టు చేయడంతో సదరు మహిళపై నెటిజన్లు ప్రశంసల వర్షం కురిపిస్తున్నారు. మహిళా శక్తిని చూపావ్.. ధైర్యవంతురాలైన మహిళ అంటూ ఆమెను కొనియాడుతున్నారు.

English summary

In an incident that was caught on camera, a woman in Delhi's Nangloi thrashed a man on a bike as he snatched her chain and attempted to escape.