అమెరికాపై ఒబామాకు ప్రేమ లేదు: రూడీ వ్యాఖ్యలకు మద్దతుగా బాబీ జిందాల్

న్యూఢిల్లీ: న్యూయార్క్ మాజీ మేయర్ రూడీ గులియానీ అమెరికా అధ్యక్షుడు బరాక్ ఒబామాపై చేసిన వ్యాఖ్యలు సంచలనంతో పాటు రాజకీయ దుమారాన్ని రేపాయి. మాన్ హాట్టన్‌లో జరిగిన ఓ నిధుల సమీకరణలో మాట్లాడుతూ "ఇదో భయంకరమైన నిజం. అధ్యక్షుడు ఒబామా అమెరికాను ప్రేమిస్తున్నాడని నేను నమ్మడం లేదు" అని అన్నారు.

"నిజాయితీ చెప్పాలంటే, ఆయన దేనిని నమ్ముతారో నాకు, మీకు తెలియదు. ఆయన మనసులో ఏముందో చెప్పలేను. ఆయన ప్రవర్తించే వైఖరిపై మాట్లాడుతున్నాను" అని రూడీ గులియానీ అన్నారు. దీంతో పాటు "ఆయన మిమ్మల్ని ప్రేమించడం లేదు. నన్ను కూడా . మీరు నేను పెరిగిన విధంగా ఆయన పెరగలేదు."అని అన్నారు. ఈ వ్యాఖ్యలపై స్పందించిన వైట్ హౌస్ వర్గాలు ఈ వ్యాఖ్యలను ఖండించాయి. అనంతరం #ObamaLovesAmericaతో ట్వీట్స్ చేయడం మొదలు పెట్టారు.

తను చేసిన వ్యాఖ్యలకు కట్టుబడి ఉన్నానని గురువారం సీఎన్ఎన్‌కు ఇచ్చిన ఇంటర్యూలో రూడీ గులియానీ తెలిపారు. శుక్రవారం ఆయనకు మద్దతుగా లూసియానా గవర్నర్, ఇండియన్-అమెరికన్ బాబీ జిందాల్ తెలిపారు. ఐసీస్ ఉగ్రవాదులపై అధ్యక్షుడు ఒబామా నిజాలను మాట్లాడటంలో విఫలమవుతున్నారని, అందువల్లే రూడీ గులియానీ ఇలాంటి మాటలు మాట్లాడి ఉండవచ్చని జిందాల్ తెలిపారు.

ఈ పరిస్ధితిలో మన దేశం కోసం అధ్యక్షుడి ప్రేమ స్థాయి ఇలా ఉందని అన్నారు. అధ్యక్షుడు ఒబామా కమాండర్ ఇన్ చీఫ్‌గా తన ముఖ్య విధులను విజయవంతంగా నిర్వర్తించడంలో విఫలమయ్యాడని ప్రతి ఒక్కరికీ స్పష్టంగా తెలిసిందన్నారు.

English summary

Louisiana Gov. Bobby Jindal said he stands by former New York City Mayor Rudy Giuliani, who received condemnation from the White House Thursday for suggesting President Obama doesn’t love America.