వార్నీ.. భారత్ లో ఇట్టాంటోళ్లు ఉన్నారేంట్రా బాబు

హర్యానాలో ఓట్ చోరీ చోటు చేసుకుందని లోక్ సభలో ప్రతిపక్ష నాయకుడు రాహుల్ గాంధీ చేసిన ఆరోపణలు బ్రెజిల్ దాకా పాకాయి. బ్రెజిల్ కు చెందిన ఓ మోడల్ ఫొటోను ఇక్కడ వాడుకున్నారని ఆయన విమర్శించారు. ఓట్ చోరీ జరిగిందనడానికి అవసరమైన సాక్ష్యాధారాలన్నింటినీ ఆయన ప్రదర్శించారు. పవర్ పాయింట్ ప్రజంటేషన్ ఇచ్చారు. కర్ణాటక, హర్యానా వంటి రాష్ట్రాల్లో కేంద్రం ఓట్ చోరీకి పాల్పడిందనీ ఆరోపించారు. హర్యానాలో కాంగ్రెస్ ఓటమికి కేంద్రం, ఈసీ కుమ్మక్కయ్యాయని ధ్వజమెత్తారు.

హర్యానా లోక్ సభ వినియోగించినట్లు చెబుతోన్న ఈ ఫొటోపై బ్రెజిలియన్ మోడల్ లారిస్సా స్పందించారు. ఆ ఫోటో తనదేనని తెలిపారు. దీనికి సంబంధించిన ఓ వీడియోను తన అధికారిక ఎక్స్ అకౌంట్ లో పోస్ట్ చేశారు. తన స్నేహితులను ఉద్దేశించి పోర్చుగీస్‌ లాంగ్వేజ్ లో మాట్లాడారామె. మీకు ఒక జోక్ చెబుతాను.. వారు (భారతీయులు) నా పాత ఫొటోను ఉపయోగిస్తున్నారు. అప్పుడు నాకు సుమారు 18-20 సంవత్సరాలు ఉంటాయి.. అని అన్నారు.

ఓ రిపోర్టర్ ద్వారా ఈ విషయం తనకు తెలిసిందని లారెస్సా తెలిపారు. దీని గురించి తెలుసుకోవడానికి తనకు ఫోన్ కాల్ చేశాడని, తన ఫొటో గురించి ఆరా తీశాడని చెప్పారు. అప్పటివరకు ఈ విషయం గురించి తనకు తెలియదని పేర్కొన్నారు. పవర్ పాయింట్ ప్రజంటేషన్ లో ప్రదర్శించిన ఫొటోను తన స్నేహితుడొకడు వాట్సప్ చేశాడని, దాన్ని గ్రూప్ లో పోస్ట్ చేస్తున్నానని వివరించారు. ఆ ఫొటో తనదేనని, దాని గురించి స్పష్టతం ఇవ్వడం అవసరమని అన్నారు.

భారత ఎన్నికల వ్యవస్థలో తన ఫొటో ప్రచారంలోకి రావడం నమ్మశక్యం కావట్లేదని లారిస్సా అన్నారు. తనను మోసం చేయడానికి భారతీయురాలిగా చిత్రీకరిస్తున్నారని వ్యాఖ్యానించారు. వాట్ మ్యాడ్ నెస్.. అని ఘాటుగా రియాక్ట్ అయ్యారు. ఇది పిచ్చితనమని వ్యాఖ్యానించారు. మనం ఏ లోకంలో ఉన్నామని ఆవేదన వ్యక్తం చేశారు.

The name of the Brazilian Model seen in @RahulGandhi's press conference is Larissa. Here's her reaction after her old photograph went viral. pic.twitter.com/K4xSibA2OP

— Mohammed Zubair (@zoo_bear) November 5, 2025

లారిస్సా ప్రస్తుతం మోడల్‌గా పనిచేయట్లేదు. బ్రెజిల్‌లో బెలో హారిజోంటేలో ఓ యూనిసెక్స్ సెలూన్‌ను నడుపుతున్నారు. దీనికి బ్రెజిల్ లో చాలాచోట్ల ఫ్రాంఛైజీలు ఉన్నాయి. ఫ్యాక్ట్-చెకర్ మహమ్మద్ జుబైర్ ఈ వీడియోను సోషల్ మీడియాలో షేర్ చేసిన తర్వాత లారిస్సా ప్రతిస్పందన వచ్చింది. రాహుల్ గాంధీ ప్రెస్ కాన్ఫరెన్స్‌లో చూపించిన ఫోటో భారతీయ ఓటరుది కాదని జుబైర్ స్పష్టం చేశారు. ఈ విషయం ఆన్‌లైన్‌లో విస్తృతంగా చర్చకు దారితీసింది.

English summary

The Brazilian model Larissa, whose photo was allegedly used to commit voter fraud in Haryana, now reacted to the claims of her photo being used in the voter lists. Rahul Gandhi said the Brazilian model’s photo was used in 10 booths to enable fake voters to cast fraudulent votes. హర్యానా ఓట్ చోరీలో రాహుల్ గాంధీ చేసిన వ్యాఖ్యలకు బ్రెజిల్ మోడల్ లారెస్సా స్పందించారు. ఘాటుగా రియాక్ట్ అయ్యారు.