సింహాల గుంపును బెంబేలెత్తించిన దున్నపోతు(వీడియో)

జోహన్నెస్‌బర్గ్: ప్రాణం మీదికి వస్తే మనిషైనా.. జంతువైనా తెగించకతప్పదు. అలాంటి ఘటనే ఇక్కడ చోటు చేసుకుంది. శత్రువులన్నీ ఏకమై దాడికి ప్రయత్నించినప్పటికీ ఎంతో ధైర్యంతో ఎదుర్కొని ప్రాణాలు కాపాడుకుందో దున్నపోతు. ఈ ఘటన దక్షిణాఫ్రికాలోని అడవిలో చోటు చేసుకుంది.

ఒక దున్నపోతుపై దాదాపు ఏడు సింహాలు దాడి చేసేందుకు చుట్టుముట్టాయి. పరుగెడితే వెంటాడి చంపేస్తాయని ఆ దున్నపోతుకి తెలుసు. దీంతో మొదట దానిపై దాడికి ప్రయత్నించిన సింహాన్ని తన కొమ్ములతో అంతెత్తు లేపి ఎత్తేసింది. మరో సింహాన్ని కూడా తన కొమ్ములతో కుమ్మేసింది. దీంతో మిగితా సింహాలు జడుసుకున్నాయి.

ముందుకెళితే ప్రాణాలు దక్కుతాయో లేదోనని వెనకడుగు వేశాయి. ఇదే సమయం అనుకున్నట్లు ఆ దున్నపోతు బతుకు జీవుడా అంటూ అక్కడ్నుంచి పరారైంది. అక్కడి సింహాలు కూడా ఏమి చేయలేకపోయాయి. ఈ దృశ్యాలను ఓ ఫొటోగ్రాఫర్ ఎంతోసాహసోపేతంగా చిత్రీకరించారు. ప్రస్తుతం ఈ చిత్రాలు ఇంటర్నెట్‌లో హల్‌చల్ చేస్తున్నాయి.

English summary

A brave buffalo proved its loyalty to its herd when it charged into a pride of lions after seeing one of its friends lying injured and surrounded by the hungry predators in a game reserve in South Africa.