• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అనకొండ పొట్టలోకి పాల్ వీడియోకు 4.1 మిలియన్ల వ్యూస్

By Srinivas
|

న్యూయార్క్: అమెరికన్ ప్రకృతి ప్రేమికుడు పాల్ రొసోలీ అనకొండ నోట్లోకి వెళ్లిరావడం ఎంత సంచలనం సృష్టించిన విషయం తెలిసిందే. ఇది డిస్కవరీ చానల్లో ప్రసారం అయింది. ఈ సాహసానికి సంబంధించిన వీడియోను ఆన్‌లైన్లో 4.1 మిలియన్ల మంది వీక్షించారట. ఆదివారం సాయంత్రం నాటికి ఆన్ లైన్లో అంతమంది చూశారట.

పదిహేను నిమిషాల నిడివి గల నేక్డ్ అండ్ అఫ్రైడ్ వీడియోను 2.3 మిలియన్ల మంది చూశారట. ఇందులో సెట్ రోజన్, జేమ్స్ ఫ్రాంకో నటించారు. అనకొండ పొట్టలో గడిపిన పాల్ రోసోలీ కార్యక్రమం పేరు 'ఈటెన్ అలైవ్'

ఈ కార్యక్రమంలో భాగంగా అమెజాన్ అడవుల్లో ఓ అనకొండను పాల్ రోసోలీ రెచ్చగొట్టాడు. అది అతడిని చుట్టేసింది. శరీరానికి రక్షణగా కార్బన్ ఫైబర్ సూట్ ధరించడంతో కొంతమేర దాని పట్టు నుంచి రక్షణ కలిగింది. అయితే, అనకొండ తన బలమైన దవడలతో అతడి తలను మింగేయడం ప్రారంభించింది.

Eaten alive ratings: 4.1 million viewers watch Paul Rosolie get not eaten by Anaconda

కొందరు దీన్ని అభినందించగా, మరికొందరు తీవ్రంగా వ్యతిరేకించారు. పెటా తీవ్ర నిరసన వ్యక్తం చేసింది. కార్యక్రమాన్ని ప్రసారం చేసిన డిస్కవరీ చానల్ మాత్రం పాముకు ఎలాంటి హాని జరగలేదని స్పష్టం చేసింది. పెటా విమర్శలపై వ్యాఖ్యానించడానికి డిస్కవరీ చానల్ వర్గాలు నిరాకరించాయి.

ఇతను అంతరించిపోతున్న అడవులపై అవగాహన కల్పించడానికి ప్రాణాల్నే పణంగా పెట్టాలనుకున్నాడు. ఈ సాహసానికి సంబంధించిన వివరాలన్నీ పాల్‌ మాటల్లో.. 'అంతరించిపోతున్న సతత హరితారణ్యాలపై అవగాహన కల్పించాలనుకున్నా.. అందరి దృష్టినీ అటువైపు మరల్చాలనుకున్నా. అందుకే పాము పొట్టలోకి వెళ్లే ధైర్యం చేశా. ప్రత్యేకంగా రూపొందించిన ఫైబర్‌ సూట్‌ని తెప్పించుకున్నా.

అమెజాన్‌ అడవుల్లో ఈ సాహసానికి అనువైన అనకొండ కోసం గాలించా. అందుకు 60 రోజులు సమయం పట్టింది. 20 అడుగుల పొడవున్న ఒక అనకొండ కనిపించింది. ఇక సాహసానికి సిద్ధపడ్డా. ప్రాణాలతో చెలగాటమే... ఏదైనా పొరపాటు జరిగితే..? ఆ ఊహ నన్ను కొంచెం భయపెట్టింది. ఫైబర్‌ సూట్‌ ధరించి ధైర్యంగా ముందడుగేశా. కొండచిలువ నోట్లో తలపెట్టా. తిన్నగా దాని పొట్టలోకి వెళ్లి ఒక గంటపాటు ఉండిపోయా.

అక్కడినుంచి బయటివారితో మాట్లాడే ఏర్పాటు చేసుకుని మరీ వెళ్లాను. మొత్తానికి క్షేమంగా బయటకు వచ్చేశా'' అంటూ తన అనుభవాన్ని వివరించాడు. అయితే ఆ అనకొండ పొట్టనుంచి బయటికి ఎలా వచ్చాడనే విషయాన్ని మాత్రం పాల్‌ వెల్లడించలేదు. పాము కూడా క్షేమంగా ఉందని పాల్‌ తెలిపాడు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Eaten alive ratings: 4.1 million viewers watch Paul Rosolie get not eaten by Anaconda.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more