అమెరికాపై దాడికి దిగిన ఇరాన్: కాన్సులేట్ ధ్వంసం

Joe Biden: మధ్య ఆసియా దేశాల్లో యుద్ధ మేఘాలు అలముకున్నాయి. ఇప్పటికే యెమెన్‌‌పై దాడికి దిగింది అగ్రరాజ్యం అమెరికా. హౌతి తిరుగుబాటుదారుల స్థావరాలపై బాంబుల వర్షాన్ని కురిపిస్తోంది. బ్రిటన్ సహా వివిధ దేశాల సహకారంతో ఈ దాడులకు పూనుకుంది. సముద్ర మార్గాన్ని తమ ఆధీనంలోకి తెచ్చుకున్న హౌతి రెబెల్స్‌పై ప్రతీకారాన్ని తీర్చుకుంటోంది.

ఈ క్రమంలో అమెరికాపై దాడులకు సిద్ధపడింది ఇరాన్. ఇరాక్‌లో ఉన్న అమెరికన్ కాన్సులేట్ కార్యాలయ భవనంపై బాలిస్టిక్స్ మిస్సైళ్లను సంధించింది. ఇరాక్ ఉత్తరప్రాంతంలోని ఎర్బిల్ సిటీలో ఉంటుంది యూఎస్ కాన్సులేట్. దీన్ని లక్ష్యంగా చేసుకుంది. ఈ ఘటనలో నలుగురు దుర్మరణం పాలయ్యారు. ఆరు మంది తీవ్రంగా గాయపడ్డారు. కాన్సులేట్ భవనం పాక్షికంగా ధ్వంసమైంది.

ఈ దాడులకు తామే కారణమని ఇరానియన్ రివాల్యూషనరీ గార్డ్ కార్ప్స్ ప్రకటించింది. దాడి చేయడానికి గల కారణాన్ని వెల్లడించింది. ఎర్బిల్‌లోని అమెరికన్ కాన్సులేట్.. గూఢచర్య కార్యకలాపాలకు కేంద్రబిందువుగా మారిందని ఆరోపించింది. తమకు వ్యతిరేకంగా పాశ్చాత్య దేశాల మద్దతును అమెరికా కూడగట్టుకుంటోందని పేర్కొంది.

🚨NEW

The Islamic Revolutionary Guard Corps (Iran) has targeted the US consulate in Iraq with multiple ballistic missiles.

This is a major escalation.https://t.co/ugvo0uFcQa

— Republicans against Trump (@RpsAgainstTrump) January 15, 2024

ఈ ఘటనలో నలుగురు మరణించారని కుర్దిస్తాన్ రీజినల్ సెక్యూరిటీ కౌన్సిల్ తెలిపింది. గాయపడ్డ ఆరుమందికి అత్యవసర వైద్యాన్ని అందిస్తోన్నట్లు పేర్కొంది. మృతుల్లో అమెరికా అధికారులు గానీ, ఆ దేశ పౌరులు గానీ ఎవరూ లేరని వివరించింది. ఈ దాడిని అమెరికా విదేశాంగ మంత్రిత్వ శాఖ ధృవీకరించింది. ఈ దాడి తీవ్రతను అంచనా వేస్తోన్నామని, దీన్ని తిప్పి కొట్టక తప్పదనీ హెచ్చరించింది.

This is the world when the Deep State is in charge. Stolen elections have dire consequences and it gets a lot of people killed.

📢BREAKING: Footage of loud explosions in Erbil, Iraq targeting US consulate and airport.https://t.co/IfNDLCrlFB

— Bob 🇺🇸❤️🙏#45 (@BobFighter_45) January 15, 2024

అమెరికన్ కాన్సులేట్‌పై దాడి అనంతరం ఇరాక్.. అత్యవసర సమావేశానికి పిలుపునిచ్చింది. భారత కాలమానం ప్రకారం.. ఈ ఉదయం ఈ భేటీ ఏర్పాటు కానుంది. ఇరాక్ భూభాగంపై దాడికి పాల్పడకూడదనే సెక్యూరిటీ అగ్రిమెంట్‌ను ఇరాన్ అధిగమించినట్టయిందని పేర్కొంది. దీని తరువాతి పరిణామాలు తీవ్రంగా ఉంటాయనీ హెచ్చరించింది.

English summary

Several explosions were reported near the US Consulate in Iraq’s Erbil. The Iranian Revolutionary Guard Corps quickly took responsibility for the attacks.