'తప్పుడు హిందూ దేవుడు': అగ్రరాజ్యంలో భగ్గుమన్న నిరసనలు
అగ్రరాజ్యం అమెరికాలోని టెక్సాస్ రాష్ట్రంలో ఓ రిపబ్లికన్ పార్టీ నాయకుడు చేసిన మతపరమైన వ్యాఖ్యలు తీవ్ర దుమారం రేపుతున్నాయి. టెక్సాస్లోని సుగర్ ల్యాండ్లో ప్రతిష్టించిన 90 అడుగుల హనుమాన్ విగ్రహంపై అలెగ్జాండర్ డంకన్ అనే రిపబ్లికన్ నేత చేసిన వ్యాఖ్యలు హిందూ సమాజాన్ని తీవ్రంగా కలచివేశాయి. 'మనది ఒక క్రైస్తవ దేశం అయినప్పుడు ఈ తప్పుడు హిందూ దేవుడి విగ్రహాన్ని ఇక్కడ ఎందుకు అనుమతిస్తున్నాం?' అంటూ ఆయన తన సోషల్ మీడియా ఖాతా ఎక్స్ వేదికగా పోస్ట్ చేశారు. ఈ వ్యాఖ్యలు అమెరికాలో పెరుగుతున్న మతపరమైన బహుళత్వం, వలసదారులు, వారి గుర్తింపుకు సంబంధించిన సున్నితమైన అంశాలను మరోసారి తెరపైకి తెచ్చాయి.
హిందూ సంస్థలు ఆగ్రహం
అలెగ్జాండర్ డంకన్ చేసిన వ్యాఖ్యలను పలువురు తీవ్రంగా ఖండించారు. ముఖ్యంగా హిందూ అమెరికన్ ఫౌండేషన్ ఈ వ్యాఖ్యలను "హిందూ వ్యతిరేకం, రెచ్చగొట్టేవి" అని అభివర్ణించింది. హిందూ అమెరికన్ ఫౌండేషన్ డంకన్ వ్యాఖ్యలపై అంతర్గత సమీక్ష చేపట్టాలని కోరుతూ రిపబ్లికన్ పార్టీకి అధికారికంగా ఫిర్యాదు చేసింది. "టెక్సాస్ GOP, మీ పార్టీ నియమాలకు వ్యతిరేకంగా, వివక్షను ప్రదర్శిస్తూ, హిందూ వ్యతిరేక విద్వేషాన్ని వెళ్లగక్కుతున్న మీ సెనేట్ అభ్యర్థిపై చర్యలు తీసుకుంటారా?" అని హిందూ అమెరికన్ ఫౌండేషన్ ఎక్స్ వేదికగా ప్రశ్నించింది.
Hello @TexasGOP, will you be disciplining your senate candidate from your party who openly contravenes your own guidelines against discrimination—displaying some pretty sordid anti-Hindu hate—not to mention disrespect for the 1st Amendment’s Establishment Clause? https://t.co/5LItlu7Zu2 pic.twitter.com/oqZkZozUBR
— Hindu American Foundation (@HinduAmerican) September 22, 2025
సోషల్ మీడియాలో కూడా ప్రజలు డంకన్ వ్యాఖ్యలపై తీవ్ర ఆగ్రహం వ్యక్తం చేశారు. "మీరు దేనినైనా విశ్వసించవచ్చు, కానీ ఇతరుల విశ్వాసాలను 'తప్పుడువి' అని పిలవడం సరైనది కాదు" అని ఒక నెటిజన్ పేర్కొన్నారు. మరొక నెటిజన్ "ఈ దేశం కేవలం క్రైస్తవ దేశం కాదు, అనేక విశ్వాసాలు ఉన్నాయి" అని స్పష్టం చేస్తూ అమెరికా బహుళత్వ స్వభావాన్ని గుర్తుచేశారు. ఈ వ్యాఖ్యలు అమెరికన్ సమాజంలో మత స్వేచ్ఛ, గుర్తింపుపై ఉన్న ఉద్రిక్తతలను ప్రతిబింబిస్తున్నాయి.
వివాదానికి కారణమైన హనుమాన్ విగ్రహం
వివాదానికి కారణమైన ఈ భారీ హనుమాన్ విగ్రహం, టెక్సాస్లోని శ్రీ అష్టలక్ష్మి ఆలయంలో ప్రతిష్టించిన 'స్టాచ్యూ ఆఫ్ యూనియన్'. 90 అడుగుల ఎత్తైన ఈ కాంస్య విగ్రహం కేవలం ఒక మతపరమైన చిహ్నం మాత్రమే కాదు, భక్తి, బలం, ఐక్యతలకు ప్రతీకగా కూడా భావిస్తారు. అమెరికాలోని అనేక మంది హిందువులకు, ఈ విగ్రహం తమ సంస్కృతి, గుర్తింపుకు ప్రతీకగా నిలుస్తుంది. ఇది తమ అస్థిత్వాన్ని, మతపరమైన స్వేచ్ఛను గౌరవించే ఒక చిహ్నంగా వారు భావిస్తారు. ఈ సంఘటన అమెరికాలో వివిధ వర్గాల విశ్వాసాలకు చెందిన బహిరంగ చిహ్నాలను ఎలా ఆమోదించాలనే అంశంపై చర్చను తిరిగి ప్రారంభించింది. ఈ వివాదం అమెరికన్ సమాజంలో మతపరమైన సహనం, అంగీకారంపై నెలకొన్న సవాళ్లను స్పష్టంగా తెలియజేస్తుంది.
Click it and Unblock the Notifications
Sign in with Google