సుత్తులు, కత్తులే ఈ కిరాతకుడి ఆయుధాలు అమెరికాలో భారీ దాడికి ప్లాన్: చివరి నిమిషంలో..!!
అమెరికాలో నూతన సంవత్సర వేడుకలకు ముందు భారీ ఉగ్రదాడి కుట్ర భగ్నం అయింది. ఈ కుట్రకు పాల్పడిన నార్త్ కరోలినాలోని మింట్ హిల్ ప్రాంతానికి చెందిన 18 ఏళ్ల క్రిస్టియన్ స్టార్డివెంట్ను ఎఫ్బీఐ అరెస్టు చేసింది. ఐసిస్ (ISIS) ఉగ్రవాద సంస్థ స్ఫూర్తితో నూతన సంవత్సర వేళ ప్రాణాంతక దాడికి అతను ప్రణాళికలు రచిస్తున్నట్లు ఆరోపణలు ఉన్నాయి. దీనికి సంబంధించిన సమాచారాన్ని ఐసిస్ తాజాగా వెల్లడించింది.
సోషల్ మీడియా ద్వారా ఐసిస్ సిద్ధాంతాలకు క్రిస్టియన్ ప్రభావితం అయ్యాడు. తనను తాను ఆ సంస్థ సైనికుడిగా ప్రకటించుకున్నాడు. 2025 డిసెంబర్లో ఇతడు ముస్లిమేతర సముదాయాలపై ద్వేషపూరిత పదజాలాన్ని ఉపయోగించి అనేక ఆన్లైన్ పోస్ట్లను షేర్ చేశాడు. క్రిస్టియన్ తన జిహాద్ దాడి ప్రణాళికలో భాగంగా జన సమ్మర్థం ఉన్న ప్రాంతాల్లో ఇష్టానుసారంగా సుత్తులు, కత్తులతో దాడి చేయాలని ప్లాన్ చేశాడు.
నార్త్ కరోలినాలోని ఓ గ్రోసరీ షాప్, ఫాస్ట్ ఫుడ్ రెస్టారెంట్ను లక్ష్యంగా చేసుకోవాలని అతను భావించినట్లు ఎఫ్బీఐ దర్యాప్తులో ప్రాథమికంగా వెల్లడైంది. దాడికి అవసరమైన ఆయుధాలతో పాటు తనను ఎవరూ గుర్తు పట్టకుండా ఉండటానికి అవసరమైన దుస్తులు, మాస్కులు, గ్లోవ్స్ సైతం సిద్ధం చేసుకున్నాడు. వాటన్నింటినీ కూడా ఎఫ్బీఐ అధికారులు అతని వద్ద నుంచి స్వాధీనం చేసుకున్నారు. డిసెంబర్ 29న అతని ఇంటిపై జరిపిన సోదాల్లో న్యూ ఇయర్ అటాక్ 2026 అనే నోట్బుక్ లభ్యమైంది.
అందులో 20 మందికి పైగా వ్యక్తులను లక్ష్యంగా చేసుకునే ప్రణాళిక వివరంగా ఉంది. దాడి తర్వాత ఐసిస్ కోసం తనను తాను అమరవీరుడిగా నిరూపించుకోవడానికి పోలీసులపై దాడి చేయాలని అతను ఆ నోట్బుక్లో పేర్కొన్నాడు. కుటుంబ సభ్యులు కొందరు ఆయుధాలను దాచినప్పటికీ, అతని గది నుండి సుత్తులు, కత్తులు, లక్ష్యాల జాబితా, వ్యూహాత్మక వస్తువులను స్వాధీనం చేసుకున్నారు. దోషిగా తేలితే నిందితుడికి 20 సంవత్సరాల వరకు ఫెడరల్ జైలు శిక్ష పడే అవకాశం ఉంది.
-
వేసవిలో ఏ సమయంలో రాగి జావ తాగాలి- ఇలా చేస్తే ఫుల్ ఎనర్జీ..!! -
డొనాల్డ్ ట్రంప్ సడన్ యూటర్న్- యుద్ధ విరామం -
భారత్ కు బిగ్ షాక్- హార్ముజ్ జలసంధి పూర్తిగా మూసివేయనున్న ఇరాన్ -
ఏడు రోజుల్లోనే ఆరు బ్యాంకుల్లో చోరీ.. కానీ దోచుకుంది మాత్రం..? -
40 ఏళ్లలో లేని అతిపెద్ద పసిడి పతనం. 1983 సీన్ రిపీట్! -
పాతాళానికి బంగారం ధరలు- రంజాన్ పండగ వేళ -
తమిళనాడులో ఆ పార్టీదే అధికారం: విజయ్ రాకతో మారిన ఈక్వేషన్లు -
రేషన్ లబ్దిదారులకు కేంద్రం గుడ్ న్యూస్- మూడు నెలల కోటా ఒకేసారి పంపిణీ -
బంగారం ధరల అంచనాలు తలకిందులు -
మేషరాశి, సింహరాశి, వృశ్చిక రాశి, ధనుస్సు రాశులకు ఏప్రిల్ నెలలో రాజయోగం -
బంగాళాఖాతంపై ఆవర్తనం- ఏపీలోని ఈ జిల్లాల్లో భారీ వర్షాలు -
తులారాశి వార్షిక ఫలం 2026-27: ఈ ఏడాది వీరికి తిరుగేలేదు.. ఈ విషయంలో జాగ్రత్త!
Click it and Unblock the Notifications
Sign in with Google