పసిడి ధరల్లో భారీ తిరోగమనం

అమెరికా, ఇరాన్ దేశాల మధ్య కుదిరిన చారిత్రాత్మక శాంతి ఒప్పందం అంతర్జాతీయ ఆర్థిక రంగానికే కాకుండా దేశీయ బులియన్ మార్కెట్లలోనూ కీలక మార్పులకు వేదికైంది. యుద్ధాన్ని ముగించేందుకు ఇరు దేశాలు అంగీకరించిన నేపథ్యంలో సురక్షిత పెట్టుబడిగా దేశీయంగా బంగారం కొనుగోళ్లకు ఉన్న డిమాండ్ తగ్గింది. నేడు దేశవ్యాప్తంగా బంగారం ధరలు తగ్గుముఖం పట్టాయి. ప్రస్తుతం 10 గ్రాముల 24 క్యారెట్ల పసిడి ధర రూ. 1,51,500 వద్ద కొనసాగుతోంది.

దాదాపు కొన్ని నెలలుగా ఇరు దేశాల మధ్య కొనసాగుతున్న తీవ్రమైన సైనిక ఉద్రిక్తతలకు ఈ సరికొత్త ఒప్పందంతో ముగింపు లభించింది. యుద్ధ ముగింపు ప్రకటనతో ప్రపంచ మార్కెట్లలో భయానక పరిస్థితులు సద్దుమణిగాయి. దీంతో ఇన్వెస్టర్లు బంగారంపై భారీగా పెట్టుబడి పెట్టడం తగ్గించి, క్రమంగా ఈక్విటీ మార్కెట్ల వైపు మొగ్గు చూపుతున్నారు. ఫలితంగా బుధవారం రోజున ఎంసీఎక్స్ (MCX) మార్కెట్లో ఆగస్టు డెలివరీ గోల్డ్ ఫ్యూచర్స్ 0.30 శాతం పతనమై పది గ్రాములకు రూ. 1,52,634 వద్ద ట్రేడ్ అయింది.

ఈ సానుకూల గ్లోబల్ మార్పుల ప్రభావం దేశంలోని ప్రధాన నగరాల్లోని రిటైల్ మార్కెట్లపై స్పష్టంగా పడింది. పసిడి ధరల తగ్గుదలకు సమాంతరంగా వెండి ధరలు కూడా తగ్గాయి. జూలై డెలివరీ ఫ్యూచర్స్ ప్రకారం ఎంసీఎక్స్ మార్కెట్లో వెండి ధర 0.17 శాతం తగ్గి కిలో రూ. 2,49,674 వద్ద కొనసాగుతోంది. తెలుగు రాష్ట్రాల్లోని ప్రధాన నగరమైన హైదరాబాద్‌తో పాటు దేశంలోని కీలక నగరాల్లో నేటి 22 క్యారెట్లు, 24 క్యారెట్ల పసిడి ధరల్లో ఈ తగ్గుదల కనిపించింది.

హైదరాబాద్ లో 22 క్యారెట్ల బంగారం 10 గ్రాములకు రూ. 1,39,740, 24 క్యారెట్లు రూ. 1,51,360, ఢిల్లీ రూ. 1,38,890, రూ. 1,51,510, ముంబై రూ. 1,39,740, రూ. 1,51,360 వద్ద స్థిరపడ్డాయి. బెంగళూరులో 22 క్యారెట్ల బంగారం ధర 10 గ్రాములకు రూ. 1,39,740 కాగా 24 క్యారెట్లు రూ. 1,51,360 వద్ద ట్రేడ్ అయింది. చెన్నైలో 22 క్యారెట్ల పసిడి 10 గ్రాములకు రూ. 1,39,740, 24 గ్రాములకు రూ. 1,51,360, కోల్‌కతా రూ. 1,39,740 రూ. 1,51,360 ల వద్ద నిలిచాయి.

గ్లోబల్ మార్కెట్‌లో చోటుచేసుకున్న ఈ బలమైన సానుకూల పరిణామాలు రాబోయే రోజుల్లో బంగారం, ఇతర విలువైన లోహాల ధరలపై మరింత మార్పులను తెచ్చే అవకాశం ఉంది. ఇరు దేశాల శాంతి వాతావరణం పూర్తిస్థాయిలో స్థిరపడిన తర్వాతే మార్కెట్‌లో స్పష్టమైన స్థిరత్వం ఏర్పడుతుందని విశ్లేషకులు భావిస్తున్నారు. ప్రస్తుతానికి మాత్రం పసిడి ప్రియులు, కొత్తగా పెట్టుబడి పెట్టాలనుకునే వారు స్థానిక మార్కెట్ గమనాన్ని అత్యంత నిశితంగా గమనిస్తూ కొనుగోలు ప్రణాళికలు సిద్ధం చేసుకోవడం మంచిది.

English summary

Gold Prices in India Drops at MCX as the 24K Near Rs 1,51,500, 22K 1,38,980 after US Iran Peace Framework. MCX gold futures for August 2026 delivery traded at Rs 1,52,634 per 10 grams, dropping 0.30 per cent, at around 10:30 am. Silver prices edged higher.