బౌద్ధ మత గురువులు లైంగిక వేధింపులకు పాల్పడుతున్నారన్న సంగతి 1990లోనే తెలుసు: దలైలామా
ప్రముఖ బౌద్ధ గురువు దలైలామా సంచలన వ్యాఖ్యలు చేశారు. బౌద్ధమతానికి చెందిన గురువులు కూడా లైంగిక వేధింపులకు పాల్పడుతున్నారన్న విషయం తనకు తెలుసనని దలైలామా చెప్పారు. అది ఈనాడు కొత్తగా వచ్చింది కాదని 1990వ దశకం నుంచే ఇలాంటి వ్యవహారాల గురించి తనకు తెలుసునని చెప్పారు దలైలామా. టిబెట్కు చెందిన ఈ ఆధ్యాత్మిక గురువు నెదర్లాండ్స్లో పర్యటిస్తున్నారు. అక్కడ బౌద్ధ గురువులచే లైంగిక వేధింపులకు గురైన బాధితులను ఆయన కలిశారు. కలిసిన సందర్భంగా పైవ్యాఖ్యలు చేశారు దలైలామా.
బౌద్ధగురువుల చేతిలో లైంగిక వేధింపులకు గురైన తమకు దలైలామాను కలిసి తమ బాధను చెప్పుకునేందుకు సమయం ఇవ్వాల్సిందిగా కోరుతూ బాధితులు పిటిషన్ పెట్టుకున్నారు. ఎలాగూ దలైలామా యూరప్లో పర్యటిస్తున్నారు కాబట్టి ఆయన్ను కలిసే అవకాశం ఇవ్వాల్సిందిగా వారు పిటిషన్లో తెలిపారు. బౌద్ద మతం అంటే ఎంతో గౌరవం ఉందని తాము అనుకున్నామని కానీ ఇందులో కూడా బౌద్ద మతం పేరుతో అత్యాచారం, లైంగిక వేధింపులు జరుగుతుండటం చాలా బాధాకరం అని పిటిషన్లో బాధితులు తెలిపారు. డచ్ టెలివిజన్లో మాట్లాడిన దలైలామా తనకు ఈ విషయాలు ఎప్పుడో తెలుసని చెప్పారు.
25 ఏళ్ల కిత్రం ధర్మశాలలో పాశ్చాత్య దేశం నుంచి బౌద్ధమతం గురించి తెలుసుకునేందుకు వచ్చిన వారిపై కొందరు బౌద్ధ మత గురువులు లైంగిక వేధింపులకు పాల్పడ్డారని ఈ సందర్భంగా దలైలామా గుర్తు చేశారు. లైంగిక వేధింపుల ఆలోచన కలిగిన వ్యక్తులకు బౌద్ధమతం అంటే గౌరవం లేదని ధ్వజమెత్తారు. ఇప్పుడు ఇది బహిరంగం కావడంతో ఇలాంటి లైంగిక వేధింపులకు పాల్పడిన వారు సిగ్గుతో తలదించుకోవాల్సిన సమయం ఆసన్నమైందన్నారు దలైలామా. నవంబర్లో టిబెట్కు చెందిన బౌద్ద మత గురువులు ధర్మశాలలో సమావేశమవుతున్నారని ... ఆ సమయంలో లైంగిక వేధింపులపై చర్చించాలని దలైలామా అన్నారు. మతగురువులు దీనిపై మరింత దృష్టి సారించి సమస్యకు పరిష్కారం కనుగొనాలని సూచించారు.
Click it and Unblock the Notifications
Sign in with Google